ഇടുക്കി : ഭരണഘടന ശില്പി ഡോ. ബി ആർ അംബേദ്കറുടെ 134 ആം ജന്മദിനം കട്ടപ്പനയിൽ ആഘോഷിച്ചു.  അംബേദ്കർ അയ്യങ്കാളി കോ_ ഓർഡിനേഷൻ കമ്മിറ്റി ചെയർമാൻ പ്രശാന്ത് രാജു ഉദ്ഘാടനം ചെയ്തു. 
ദീർഘവീക്ഷണത്തോടുകൂടിയുള്ള അദ്ദേഹത്തിന്റെ  പ്രവർത്തനത്തിന്റെ ഏറ്റവും വലിയ ഉദാഹരണമാണ് ഇന്ത്യൻ ഭരണഘടന.  ആ ഭരണഘടന നൽകുന്ന ഉറപ്പ് രാജ്യത്തെ ഓരോ പൗരനും  തുല്യ അവകാശം എന്ന ആശയമായി മാറിയിരിക്കുകയാണ്. ഭരണഘടന ശില്പിയുടെ ജന്മദിനം  പൊതു അവധിയായി പ്രഖ്യാപിച്ച   കേന്ദ്രസർക്കാരിന്റെ   തീരുമാനത്തെ സ്വാഗതം ചെയ്യുന്നതായി  പ്രശാന്ത് രാജു പറഞ്ഞു.
ജന്മദിന സമ്മേളനത്തിൽ   കഴിഞ്ഞ സാമ്പത്തിക വർഷം 100% പദ്ധതി പൂർത്തീകരണം നടത്തിയ കാഞ്ചിയാർ പഞ്ചായത്ത്  പ്രസിഡണ്ടന്റ് സുരേഷ് കുഴിക്കാട്ടിലിനെ അനുമോദിച്ചു.
  കമ്മിറ്റി ജനറൽ സെക്രട്ടറി വി എസ് ശശി അധ്യക്ഷനായി.  രക്ഷാധികാരി ബിനു കേശവൻ ജന്മദിന സന്ദേശം നൽകി.   കെപിഎം സംസ്ഥാന കമ്മിറ്റി സുനീഷ് കുഴിമറ്റം,  കെഎസ്എസ് ജില്ലാ സെക്രട്ടറി രാജൻ കെ ആർ,  എ കെ സി എച് എം എസ് ജില്ലാ പ്രസിഡണ്ട് രാജീവ് രാജു ,തങ്കമ്മ രാജു,  രാജു ആഞ്ഞിലിതോപ്പിൽ,  സി ജെ യേഹാന്നാൻ, രജൻ പി കെ , സുരേഷ് രാജു,ബിജു കേശവൻ തുടങ്ങിയവർ സംസാരിച്ചു .