ഇടുക്കി: അടിമാലി ശാന്തഗിരി മഹേശ്വര ക്ഷേത്രത്തില്‍ ശിവരാത്രി മഹോത്സവം 18 മുതല്‍ 27 വരെ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. 18ന് വൈകിട്ട് 6നും 6.30നുമിടയില്‍ തന്ത്രി പൂത്തോട്ട ലാലന്‍, മേല്‍ശാന്തി മഠത്തുംമുറി അജിത്ത് എന്നിവര്‍ കൊടിയേറ്റും. ഇത്തവണയും 10 ദിവസം അന്നദാനം ക്രമീകരിച്ചിട്ടുണ്ട്. എല്ലാ ദിവസവും പതിവ് പൂജകള്‍ക്ക് പുറമേ മറ്റ് ചടങ്ങുകളും ഉണ്ടാകും. 24ന് വൈകിട്ട് ചാറ്റുപാറ മൂകാംബിക നഗറില്‍നിന്ന് താലപ്പൊലിഘോഷയാത്ര. 25ന് പള്ളിവേട്ട. 26ന് ശിവരാത്രി ആറാട്ട് മഹോത്സവം 27ന് രാവിലെ പിതൃപൂജകളും പിതൃബലി തര്‍പ്പണവും നടക്കും. എല്ലാദിവസവും കലാപരിപാടികളും നടക്കും. ഉത്സവാഘോഷത്തിന്റെ ഒരുക്കങ്ങള്‍ പുരോഗമിക്കുന്നതായി പ്രസിഡന്റ് ദേവരാജന്‍, സെക്രട്ടറി അശോകന്‍, വൈസ് പ്രസിഡന്റ് കിഷോര്‍, പബ്ലിസിറ്റി ചെയര്‍മാന്‍ സന്തോഷ് മാധവന്‍ എന്നിവര്‍ അറിയിച്ചു.