വണ്ടന്‍മേട് ശ്രീമഹാഗണപതി ക്ഷേത്രോത്സവം 4 മുതല്‍
വണ്ടന്‍മേട് ശ്രീമഹാഗണപതി ക്ഷേത്രോത്സവം 4 മുതല്‍
ഇടുക്കി: വണ്ടന്‍മേട് ശ്രീമഹാഗണപതി ക്ഷേത്രോത്സവത്തിന് നാലിന് കൊടിയേറും. വൈകിട്ട് 6.10ന് തന്ത്രി വാസുദേവന്‍ സോമയാജിപ്പാട്, മേല്‍ശാന്തി അജിത്ത് തിരുമേനി എന്നിവരുടെ കാര്‍മികത്വത്തില്‍ കൊടിയേറ്റ്. 5ന് വിശേഷാല്‍ ചടങ്ങുകള്‍ക്ക് പുറമേ വൈകിട്ട് ഭക്തിഗാനാമൃതം. ആറിന് വൈകിട്ട് ചിലങ്കപൂജയും നൃത്തനൃത്യങ്ങളും. 7ന് വൈകിട്ട് നൃത്തസന്ധ്യ. 8ന് വൈകിട്ട് 7ന് അയ്യപ്പചരിതം മോഹിനിയാട്ടം തിരുവിതാംകൂര്‍ രാജകുടുംബാംഗം അവിട്ടം തിരുനാള്‍ ആദിത്യ വര്‍മ ഉദ്ഘാടനം ചെയ്യും. രാത്രി 10.15ന് പള്ളിവേട്ട. സമാപന ദിവസമായ 9ന് വൈകിട്ട് 5.30 മുതല്‍ ആറാട്ട് എഴുന്നള്ളത്ത്, ആറാട്ട് ബലി, മുളപ്പാരി ഘോഷയാത്ര, 101 കലാകാരന്‍മാര്‍ അണിനിരക്കുന്ന പഞ്ചാരിമേളം എന്നിവ ഉണ്ടാകും. എല്ലാദിവസങ്ങളിലും മൂന്നുനേരവും അന്നദാനം ഉണ്ടായിരിക്കുമെന്ന് പ്രസിഡന്റ് ജി പി രാജന്‍ അറിയിച്ചു.
What's Your Reaction?
