.jpeg)
വണ്ടിപ്പെരിയാറില്‍ പന്ത്രണ്ട് വയസുകാരന് മദ്യം നല്‍കിയ യുവതി അറസ്റ്റില്‍
വണ്ടിപ്പെരിയാറില്‍ പന്ത്രണ്ട് വയസുകാരന് മദ്യം നല്‍കിയ യുവതി അറസ്റ്റില്‍
ഇടുക്കി:വണ്ടിപ്പെരിയാറില്‍ പന്ത്രണ്ട് വയസുകാരന് മദ്യം നല്‍കിയ സംഭവത്തില്‍ യുവതി അറസ്റ്റില്‍. മ്ലാമല സ്വദേശി പ്രിയങ്കയാണ് അറസ്റ്റിലായത്. കട്ടന്‍ ചായ ആണെന്ന് വിശ്വസിപ്പിച്ച് നിര്‍ബന്ധിച്ച മദ്യം കുടിപ്പിച്ചുവെന്നാണ് പരാതി. വെള്ളിയാഴ്ച ഉച്ചയ്ക്ക് പ്രിയങ്കയുടെ വീട്ടില്‍ വച്ചാണ് സംഭവം. കുട്ടി അവശനായി വീട്ടിലെത്തിയതോടെ മാതാപിതാക്കള്‍ വിവരം അന്വേഷിച്ചപ്പോഴാണ് പ്രിയങ്ക മദ്യം നല്‍കിയ വിവരം കുട്ടി പറഞ്ഞത്. തുടര്‍ന്ന് വീട്ടുകാര്‍ പീരുമേട് പൊലീസില്‍ പരാതി നല്‍കി. ജുവനയില്‍ ജസ്റ്റിസ് ആക്ട് പ്രകാരം കേസെടുത്തു. പ്രിയങ്കയെ പീരുമേട് കോടതിയില്‍ ഹാജരാക്കി.
What's Your Reaction?
