ഇടുക്കി: മലയോര ഹൈവേയില്‍ കാഞ്ചിയാര്‍ പള്ളിക്കവലയ്ക്കും പാലാക്കടയ്ക്കുമിടയില്‍ ബൈക്കും കാറും കൂട്ടിയിടിച്ച് ഒരാള്‍ക്ക് പരിക്കേറ്റു. ബൈക്ക് യാത്രികന്‍ ചോറ്റുപാറ സ്വദേശി ജി അജേഷിനാണ് ഗുരുതര പരിക്ക്. വ്യാഴാഴ്ച വൈകിട്ടാണ് അപകടം. റോഡരികില്‍ നിര്‍ത്തിയിട്ട കാര്‍ സ്റ്റാര്‍ട്ട് ചെയ്ത് മുമ്പോട്ടെടുക്കുന്നതിനിടെ ലബ്ബക്കട ഭാഗത്തുനിന്നെത്തിയ ബൈക്കുമായി കൂട്ടിയിടിക്കുകയായിരുന്നു. കാലിന് ഒടിവ് സംഭവിച്ച അജേഷിനെ നാട്ടുകാര്‍ കട്ടപ്പനയിലെ സ്വകാര്യ ആശുപത്രിയില്‍ പ്രവേശിപ്പിച്ചു.