ഇടുക്കി: കേരള സംഗീത നാടക അക്കാദമി ഇടുക്കി കേന്ദ്ര കലാസമിതിയുടെ നേതൃത്വത്തില്‍ റോട്ടറി ക്ലബ് ഓഫ് അപ്ടൗണിന്റെയും വിവിധ കലാസാംസ്‌കാരിക സംഘടനകളുടെയും സഹകരണത്തോടെ സംഗീതോത്സവം 30ന് കട്ടപ്പന മിനി സ്റ്റേഡിയത്തില്‍ നടക്കും. സംഗീതോത്സവത്തിന് മുന്നോടിയായി ഉച്ചകഴിഞ്ഞ് രണ്ട് മുതല്‍ ഓണപ്പാട്ട് മത്സരവും മാവേലി മത്സരവും നടക്കും. തുടര്‍ന്ന് തബല ജുഗല്‍ബന്തി അരങ്ങേറും. വൈകിട്ട് 4ന് നടക്കുന്ന സാംസ്‌കാരിക സമ്മേളനം മന്ത്രി റോഷി അഗസ്റ്റിന്‍ ഉദ്ഘാടനം ചെയ്യും.കേന്ദ്ര കലാസമിതി ജില്ലാ പ്രസിഡണ്ട് കാഞ്ചിയാര്‍ രാജന്‍ അധ്യക്ഷത വഹിക്കും.സംഗീത നാടക അക്കാദമി അംഗം ആനയടി പ്രസാദ് മുഖ്യപ്രഭാഷണം നടത്തും. സംഗീതം, അനുഭവം ആവിഷ്‌കാരം എന്ന വിഷയത്തില്‍ കലാശ്രീ കോട്ടയം വീരമണി പ്രഭാഷണം നടത്തും.നഗരസഭ ചെയര്‍പേഴ്സണ്‍ ബീന ടോമി സമ്മാനദാനം നിര്‍വഹിക്കും.കേരള സാഹിത്യ അക്കാദമി അംഗം മോബിന്‍ മോഹന്‍,നോവലിസ്റ്റ് പുഷ്പമ,കേന്ദ്ര കലാസമിതി സെക്രട്ടറി എസ്.സൂര്യലാല്‍,സംഘാടകസമിതി രക്ഷാധികാരി സിജു ചക്കുംമൂട്ടില്‍ തുടങ്ങിയവര്‍ സംസാരിക്കും. ചടങ്ങില്‍ ആനയടി പ്രസാദിന്റെ ഓണനിലാവ്,രാജേഷ് വരകുമലയുടെ ഓണപ്പൂവ് എന്നീ മ്യൂസിക്കല്‍ ആല്‍ബങ്ങളുടെ പ്രകാശനവും നടക്കും. വൈകിട്ട് 6ന് പ്രശസ്ത സംഗീതജ്ഞന്‍ ഹരികൃഷ്ണന്‍ മൂഴിക്കുളവും സംഘവും അവതരിപ്പിക്കുന്ന സംഗീത കച്ചേരിയും മ്യൂസിക് ക്ലബ്ബ് അവതരിപ്പിക്കുന്ന ഗാനമേളയും അരങ്ങേറും.
വാര്‍ത്താസമ്മേളനത്തില്‍ കേന്ദ്ര കലാസമിതി പ്രസിഡന്റ് കാഞ്ചിയാര്‍ രാജന്‍, സെക്രട്ടറി എസ്.സൂര്യലാല്‍, മര്‍ച്ചന്റ്സ് യൂത്ത് വിങ് സംസ്ഥാന വൈസ് പ്രസിഡന്റ് സിജോമോന്‍ ജോസ്, നഗരസഭ കൗണ്‍സിലര്‍ പ്രശാന്ത് രാജു, റോട്ടറി ക്ലബ് ഓഫ് കട്ടപ്പന അപ്ടൗണ്‍ പ്രസിഡന്റ് പ്രദീപ് എസ്.മണി,
ഫ്രണ്ട്സ് ഓഫ് കട്ടപ്പന പ്രസിഡന്റ് സിജോ എവറസ്റ്റ്, ചിരി ക്ലബ് ജനറല്‍ സെക്രട്ടറി അശോക് ഇലവന്തിക്കല്‍,കല സെക്രട്ടറി വിപിന്‍ വിജയന്‍, സി.സി ജോമോന്‍,ബിജോയി  സ്വരലയ,കലാമണ്ഡലം ഹരിത, എം.ആര്‍ രാഗസുധ എന്നിവര്‍ പങ്കെടുത്തു.