ഇടുക്കി: കട്ടപ്പന പോര്‍സ്യുങ്കല ആശ്രമം പള്ളിയില്‍ വിശുദ്ധ ഫ്രാന്‍സീസ് അസീസിയുടെ തിരുനാളും ബൈബിള്‍ കണ്‍വന്‍ഷനും 28, 29, 30 ഒക്ടോബര്‍ 1 തീയതികളില്‍ നടക്കും. വൈകുന്നേരം 4 മുതല്‍ രാത്രി 9 വരെ പോര്‍സ്യൂങ്കുല ആശ്രമത്തിന്റെ ഗോള്‍ഡന്‍ ജൂബിലി ആഘോഷവും ഫ്രാന്‍സിസ് അസിസിയുടെ സൂര്യകീര്‍ത്തനം രചനയുടെ 800ാം വാര്‍ഷികവും നടക്കും. തിരുനാള്‍ ആഘോഷത്തിന്റെ ഭാഗമായി സുപ്രസിദ്ധ വചന പ്രഘോഷകന്‍ വയനാട് വടുവന്‍ചാല്‍ അനുഗ്രഹ ധ്യാനകേന്ദ്രം ഡയറക്ടര്‍ ഫാ. മാത്യു വയലാമണ്ണില്‍ നയിക്കുന്ന ബൈബിള്‍ കണ്‍വന്‍ഷനുമുണ്ടാക്കും. ഒക്ടോബര്‍ 1ന് ഗോള്‍ഡന്‍ ജൂബീലി സമാപനാഘോഷത്തില്‍ ഇടുക്കി രൂപതാ മെത്രാന്‍ മാര്‍. ജോണ്‍ നെല്ലിക്കുന്നേലിന്റെ മുഖ്യകാര്‍മിക്വത്തില്‍ ആഘോഷമായ വി. കുര്‍ബാന അര്‍പ്പണം നടക്കും. സഹകാര്‍മികരായി അസിസി സെന്റ് ജോസഫ് പ്രൊവിന്‍ഷ്യല്‍ ആന്റണി, ഭരണങ്ങാനം അസിസി ധ്യാനകേന്ദ്രം ഫാ. തോമസ് കാഞ്ഞിരക്കോണം, ആശ്രമം മുന്‍കാല സുപ്പീരിയര്‍മാര്‍ എന്നിവര്‍ പങ്കെടുക്കുമെന്ന് ആശ്രമം സുപ്പീരിയര്‍ ഫാ. സേവ്യര്‍ കൊച്ചുപറമ്പില്‍, സുപ്പീരിയര്‍ ഫാ. സേവ്യര്‍ കൊച്ചുറുമ്പില്‍, കണ്‍വീനര്‍ ജോസഫ് മണിക്കൊമ്പില്‍, കമ്മിറ്റിയംഗങ്ങളായ ജോസ് പൂനാട്ടു, ജോസ് മാക്കിയില്‍ എന്നിവര്‍ വാര്‍ത്താസമ്മേളനത്തില്‍ പറഞ്ഞു.