ഇടുക്കി: ദാരിദ്ര്യ നിര്‍മാര്‍ജനത്തിനും ഭവന നിര്‍മാണത്തിനും റോഡ് വികസനത്തിനും പ്രാധാന്യം നല്‍കി പാമ്പാടുംപാറ പഞ്ചായത്ത് ബജറ്റ്. 23,61,74,093രൂപ വരവും 23,34,68,000 രൂപ ചെലവും 27,06,093 രൂപ മിച്ചവും വരുന്ന ബജറ്റ് വൈസ് പ്രസിഡന്റ് സരിത രാജേഷ് അവതരിപ്പിച്ചു. പ്രസിഡന്റ് പി ടി ഷിഹാബുദ്ദീന്‍ അധ്യക്ഷനായി. ദാരിദ്ര്യ ലഘൂകരണത്തിന് 6 കോടി രൂപ വകയിരുത്തി. ഭവന നിര്‍മാണം-3 കോടി, റോഡ് വികസനം- 2.56 കോടി, പട്ടികജാതി- പട്ടികവര്‍ഗ ക്ഷേമം-78 ലക്ഷം, ആധുനിക ശ്മശാനം- 75 ലക്ഷം, കാര്‍ഷിക, ക്ഷീര മേഖലകള്‍- 44 ലക്ഷം, ശുചിത്വം, മാലിന്യ സംസ്‌കരണം- 25 ലക്ഷം, വിദ്യാഭ്യാസ മേഖല- 19 ലക്ഷം, ടൂറിസം-7 ലക്ഷം എന്നിങ്ങനെ തുക വകയിരുത്തി.