ഇടുക്കി: രാജകുമാരി വൈ എം സി എ യൂണിറ്റിന്റെ 2024 -25 വര്‍ഷത്തേക്കുള്ള ഭാരവാഹികളുടെ സ്ഥാനാരോഹണവും സത്യപ്രതിജ്ഞയും നടന്നു. പൊതുയോഗം  വൈ എം സി എ റീജിയണല്‍ ചെയര്‍മാന്‍ ജോസ് നെറ്റിക്കാടന്‍ ഉദ്ഘാടനം ചെയ്തു. രാജകുമാരി മേഖലയില്‍ ആദ്യകാലത്ത് പ്രവര്‍ത്തനം ആരംഭിച്ച ജീവകാരുണ്യ സംഘടനയാണ് വൈ എം സി എ. പ്രവര്‍ത്തനം ആരംഭിച്ചു രണ്ടര പതിറ്റാണ്ട് പിന്നിടുമ്പോള്‍   നിരവധി പ്രവര്‍ത്തങ്ങളാണ് രാജകുമാരിയുടെ സാമൂഹിക സാംസ്‌കാരിക രംഗത്ത് വൈ എം സി എ നടത്തിട്ടുള്ളത് കുംഭപാറയില്‍ നിര്‍ദ്ധന കുടുംബത്തിന് വീട് നിര്‍മിച്ച് നല്‍കുകയും വിദ്യാഭ്യാസ ചികിത്സാ രംഗത്ത് തനതായ പ്രവര്‍ത്തങ്ങള്‍ നടത്തി വരുകയും ചെയ്യുന്നു. ഫാ.എല്‍ദോസ് പുല്‍പ്പറമ്പില്‍ അനുഗ്രഹ പ്രഭാക്ഷണം നടത്തിയ ചടങ്ങില്‍ വൈ എം സി എ രൂപീകരണ കമ്മിറ്റിയെയും വിവിധ മേഖലകളില്‍ ഉന്നത വിജയം നേടിയവരെ അനുമോദിച്ചു. പി യു സ്‌കറിയ പ്രസിഡന്റായും അരുണ്‍ മാത്യു പന്തതലക്കല്‍ സെക്രട്ടറിയായും വര്‍ഗീസ് തോപ്പില്‍ ട്രഷററും ആയിട്ടുള്ള 12 അംഗ ഭരണസമിതി അധികാരമേറ്റു. വര്‍ഗീസ് അലക്സാണ്ടര്‍,കുമാരി കുര്യാസ്,ബേബി കുര്യന്‍,സാജോ പന്തതല,സനു വര്‍ഗീസ്,ജോയി കുരിശിങ്കല്‍,മാമന്‍ ഈശോ തുടങ്ങിയവര്‍ പങ്കെടുത്തു.