ഇടുക്കി: കട്ടപ്പന ഗവ. കോളേജിലെ ആദ്യ ബാച്ച് വിദ്യാർഥികളുടെ സൗഹൃദ സംഗമം സംഘടിപ്പിച്ചു. 1977 മുതലുള്ള മൂന്ന് ബാച്ചുകളിലെ വിദ്യാർഥികളുടെ കൂട്ടായ്മയായ 'മുന്നോടി'യുടെ നേതൃത്വത്തിലാണ് സംഗമം നടന്നത്. കട്ടപ്പന ഗവ.കോളേജിൽ വച്ച് നടന്ന സൗഹൃദ സംഗമം പ്രിൻസിപ്പൽ വി. കണ്ണൻ ഉദ്ഘാടനം ചെയ്തു. പ്രസിഡൻ്റ് കെ. ജെ. മാത്യൂ അദ്ധ്യക്ഷതവഹിച്ച യോഗത്തിൽ പ്രസിഡൻ്റ് കെ. ജെ. മാത്യൂ, വൈസ് പ്രസിഡൻ്റ് ഒ . ബി. കുമാരി, സെക്രട്ടറി കെ. വി. വിശ്വനാഥൻ ജോയിന്റ് സെക്രട്ടറി വി.ടി. തോമസ്, ട്രഷറർ ലൂക്ക ജോസഫ് എന്നിവർ ഉൾപ്പടെ 21 അംഗ കമ്മറ്റിയെ തിരഞ്ഞെടുക്കുകയും ചെയ്തു. സെക്രട്ടറി എം. എൻ ജോസഫ് , ടോമി ജോസഫ് , ജോസഫ് മാത്യൂ, എം.എ. അഗസ്റ്റിൽ തുടങ്ങിയവർ സംസാരിച്ചു. വിവിധ കലാപരിപാടികളും സംഘടിപ്പിച്ചു.