കട്ടപ്പന സപ്ലൈകോ ഔട്ട്ലെറ്റിന് മുമ്പില്‍ കോണ്‍ഗ്രസ് ധര്‍ണ
കട്ടപ്പന സപ്ലൈകോ ഔട്ട്ലെറ്റിന് മുമ്പില്‍ കോണ്‍ഗ്രസ് ധര്‍ണ
ഇടുക്കി: സപ്ലൈകോയിലെ സസബ്സിഡി സാധനങ്ങളുടെ വില വര്‍ധിപ്പിച്ച നടപടിയില്‍ പ്രതിഷേധിച്ച് കോണ്‍ഗ്രസ് കട്ടപ്പന ബ്ലോക്ക് കമ്മിറ്റിയുടെ നേതൃത്വത്തില്‍ കട്ടപ്പന സപ്ലൈകോ ഔട്ട്ലെറ്റിന് മുമ്പില്‍ ധര്‍ണ നടത്തി. കെപിസിസി സെക്രട്ടറി തോമസ് രാജന്‍ ഉദ്ഘാടനം ചെയ്തു. അധ്വാനിക്കുന്ന സാധാരണക്കാരുടെ ദുരിതം മനസിലാക്കാത്ത ഗവണ്മെന്റാണ് കേരളം ഭരിക്കുന്നതെന്നും ക്രിസ്മസ് കാലം ജനങ്ങള്‍ക്ക് വറുതിയുടെ കാലമായി മാറ്റുവാനാണ് സബ്സിഡി സാധനങ്ങളുടെ വില വര്‍ധിപ്പിച്ചതിലൂടെ സര്‍ക്കാര്‍ ലക്ഷ്യമിടുന്നതെന്നും തോമസ് രാജന്‍ പറഞ്ഞു. ബ്ലോക്ക് പ്രസിഡന്റ് തോമസ് മൈക്കിള്‍ അധ്യക്ഷയായി. ഡിസിസി സെക്രട്ടറി അഡ്വ: കെ ജെ ബെന്നി മുഖ്യപ്രഭാഷണം നടത്തി. നഗരസഭ ചെയര്‍പേഴ്‌സണ്‍ ബീനാ ടോമി, വാത്തിക്കുടി പഞ്ചായത്ത് പ്രസിഡന്റ് ജിസ്മി ജോര്‍ജ്, നേതാക്കളായ അഡ്വ :കെ കെ മനോജ്, മനോജ് മുരളി,,ജോസ് മൂത്തനാട്ട്, ഷാജി വെള്ളംമാക്കല്‍, പ്രശാന്ത് രാജു, സിജു ചക്കുംമൂട്ടില്‍, പി എം ഫ്രാന്‍സിസ്, സാജു കാരക്കുന്നേല്‍, എ എം സന്തോഷ്, ബിനോയ് വെണ്ണിക്കുളം, കെ എസ് സജീവ് തുടങ്ങിയവര്‍ പങ്കെടുത്തു.
What's Your Reaction?
