കാല്‍ നടയാത്ര പോലും സാധ്യമാകാതെ എല്ലക്കല്‍ ഉപ്പാറ്- പൊട്ടന്‍കാട് റോഡ്
കാല്‍ നടയാത്ര പോലും സാധ്യമാകാതെ എല്ലക്കല്‍ ഉപ്പാറ്- പൊട്ടന്‍കാട് റോഡ്
ഇടുക്കി: റോഡ് നിര്‍മാണം ആരംഭിച്ചതോടെ കാല്‍ നടയാത്ര പോലും സാധ്യമാകാതെ
രാജാക്കാട്-ബൈസണ്‍വാലി പഞ്ചായത്തുകളെ തമ്മില്‍ ബന്ധിപ്പിക്കുന്ന എല്ലക്കല്‍ ഉപ്പാറ്- പൊട്ടന്‍കാട് റോഡ്. നിര്‍മാണപ്രവര്‍ത്തനത്തിന്റെ ഭാഗമായി റോഡില്‍ മണ്ണ് നിക്ഷേപിച്ചെങ്കിലും നിര്‍മാണം നടത്താതെ റോഡ് ചെളികുണ്ടായി മാറിയിരുന്നു. കാലങ്ങളായി തകര്‍ന്ന് കിടക്കുന്ന റോഡ് പുനര്‍നിര്‍മിക്കുന്നതിന് പ്രധാനമന്ത്രി സഡക്‌യോജനയില്‍ നിന്ന് 3 കോടി 16 ലക്ഷം അനുവദിച്ച് കരാര്‍ നല്‍കുകയും ചെയ്തു. കരാറേറ്റെടുത്തതിന് ശേഷം മണ്ണ് നീക്കിയതല്ലാതെ നിര്‍മാണം നടത്തിയില്ല. നൂറ്കണക്കിന് നാട്ടുകാരും വിദ്യാര്‍ഥികളും ആശ്രയിക്കുന്ന റോഡിലൂടെ പന്ത്രണ്ട് സ്‌കൂള്‍ ബസുകളാണ് സര്‍വീസ് നടത്തുന്നത്. ചെളിയില്‍ വാഹനങ്ങള്‍ തെന്നി നീങ്ങുന്നതും പതിവാണ്. തെന്നി നീങ്ങുന്ന വാഹനങ്ങള്‍ സമീപത്തുള്ള മുതിരപ്പുഴയാറിലേയ്ക്ക് പതിച്ച് അപകടങ്ങള്‍ക്കും സാധ്യതയേറെയാണ്. റോഡ് നിര്‍മാണം വേഗത്തിലാക്കുന്നതിനും അപകടാവസ്ഥ ഒഴിവാക്കുന്നതിനുമുള്ള നടപടികള്‍ ഉടന്‍ സ്വീകരിക്കണമെന്നാണ് നാട്ടുകാരുടെ ആവശ്യം.
What's Your Reaction?
