ഇടുക്കി: എംജി സര്‍വകലാശാല എംഎസ്‌സി കെമിസ്ട്രി പരീക്ഷയില്‍ ഒന്നാം റാങ്ക് നേടി കട്ടപ്പന സ്വദേശി ദയ മരിയ മാത്യു. നിലവില്‍ ജെപിഎം ബിഎഡ് കോളേജിലെ ഫിസിക്കല്‍ സയന്‍സ് വിദ്യാര്‍ഥിയായ ദയക്ക് കോളേജ് അധികൃതര്‍ വിപുലമായ അനുമോദനം നല്‍കി. 2023-25 വര്‍ഷത്തെ എംജി യൂണിവേഴ്‌സിറ്റി എംഎസ്‌സി കെമിസ്ട്രി പരീക്ഷയിലാണ് കട്ടപ്പന പേഴുംകവല സ്വദേശി ദയ മരിയ മാത്യു ഒന്നാം റാങ്ക് കരസ്ഥമാക്കിയത്. പേഴുംകവല പന്നാംകുഴിയില്‍ ജോയ് - ലിസി ദമ്പതികളുടെ മകളാണ്. മാനേജര്‍ ഫാ. ജോണ്‍സണ്‍ മുണ്ടിയത്ത്, പ്രിന്‍സിപ്പല്‍ ഡോ. റോണി എസ് റോബര്‍ട്ട്, ആര്‍ട്‌സ് ആന്‍ഡ് സയന്‍സ് കോളേജ് വൈസ് പ്രിന്‍സിപ്പല്‍ ഫാ. പ്രിന്‍സ് തോമസ്, ബര്‍സാര്‍ ഫാദര്‍ ചാള്‍സ് തോപ്പില്‍, അധ്യാപകര്‍, വിദ്യാര്‍ഥികള്‍ എന്നിവര്‍ പങ്കെടുത്തു.