എച്ച്എംടിഎ വാര്‍ഷിക പൊതുയോഗം മന്ത്രി റോഷി അഗസ്റ്റിന്‍ ഉദ്ഘാടനം ചെയ്തു
എച്ച്എംടിഎ വാര്‍ഷിക പൊതുയോഗം മന്ത്രി റോഷി അഗസ്റ്റിന്‍ ഉദ്ഘാടനം ചെയ്തു
ഇടുക്കി: ഹൈറേഞ്ച് മോട്ടോര്‍ തൊഴിലാളി അസോസിയേഷന്‍ വാര്‍ഷിക പൊതുയോഗം വെള്ളയാംകുടിയില്‍ നടത്തി. കല്ലറയ്ക്കല്‍ ഓഡിറ്റോറിയത്തില്‍ മന്ത്രി റോഷി അഗസ്റ്റിന്‍ ഉദ്ഘാടനം ചെയ്തു. അസോസിയേഷന്‍ പ്രസിഡന്റ് പി കെ ഗോപി അധ്യക്ഷനായി. പൊതുയോഗത്തിനു മുന്നോടിയായി അസോസിയേഷന്‍ ഓഫീസിനുമുന്നില്‍ സ്വാതന്ത്ര്യ ദിനത്തിന്റെ ഭാഗമായി പതാക ഉയര്‍ത്തി. തുടര്‍ന്ന് കട്ടപ്പന ഗാന്ധി സ്‌ക്വയര്‍, അമര്‍ജവാന്‍ യുദ്ധ സ്മാരകം, എപിജെ അബ്ദുല്‍ കലാം സ്മാരകം എന്നിവിടങ്ങളില്‍ പുഷ്പാര്‍ച്ചന നടത്തി. പ്ലസ്ടു പരീക്ഷയില്‍ ഉന്നത വിജയം നേടിയ വിദ്യാര്‍ഥികളെ കോര കുര്യന്‍ ചിറക്കല്‍പറമ്പില്‍ എന്‍ഡോവ്മെന്റ് നല്‍കി കട്ടപ്പന നഗരസഭ ചെയര്‍പേഴ്‌സണ്‍ ബീന ടോമി അനുമോദിച്ചു. സെക്രട്ടറി എം കെ ബാലചന്ദ്രന്‍, ട്രഷറര്‍ ലൂക്കാ ജോസഫ്, വൈസ് പ്രസിഡന്റ് ബിജു മാധവന്‍, ജോയിന്റ് സെക്രട്ടറി മനോജ് എബ്രഹാം, വിവിധ യൂണിറ്റ് ഭാരവാഹികളായ ബേബി മാത്യു, പി എസ് മുഹമ്മദ്, ഷാജി പുളിക്കക്കുന്നേല്‍, സജി കുന്നേല്‍, ജോണ്‍സണ്‍ മരോട്ടിമൂട്ടില്‍ എന്നിവര്‍ സംസാരിച്ചു.
What's Your Reaction?
