ഇടുക്കി:കാഞ്ചിയാര്‍ ലബ്ബക്കടയില്‍ മോഷണം നടന്നിട്ട് 4 മാസം കഴിഞ്ഞിട്ടും പ്രതിയെ കണ്ടെത്താന്‍ കഴിയാത്തത് വ്യാപാരികളെ ആശങ്കയിലാഴ്ത്തുന്നു. കഴിഞ്ഞ ഡിസംമ്പര്‍ മാസത്തിലാണ് ലബ്ബക്കടയിലെ വില്ലേജ് ഓഫീസ്, 8 വ്യാപാരസ്ഥാപനങ്ങളിലടക്കം മോഷണം നടന്നത്. ലബ്ബക്കടയിലെ അക്ഷയ കേന്ദ്രത്തില്‍ സൂഷിച്ചിരുന്ന 70000 രൂപ നഷ്ടമായിരുന്നു. മറ്റ് സ്ഥാപനങ്ങളില്‍ നിന്നും പണം നഷ്ടമായിരുന്നു. മോഷണം നടന്ന ശേഷം പൊലീസും ഡോഗ് സ്‌ക്വാഡും വിരലടയാള വിദഗ്ദ്ധരുമടക്കം പരിശോധനക്ക് എത്തുകയും, മോഷണം നടന്ന സ്ഥാപന ഉടമകളെ നിരവധി തവണ കട്ടപ്പന പൊലീസ് സ്റ്റേഷനില്‍ വിളിച്ച് വരുത്തി മൊഴി രേഖപ്പെടുത്തുകയും ചെയ്തിരുന്നു. രാത്രികാലങ്ങളില്‍ പ്രദേശത്ത് പൊലീസ് പട്രോളിംഗ് നടത്തുമെന്നായിരുന്നു അന്ന് പറഞ്ഞത്. എന്നാല്‍ മോഷണം നടന്ന തൊട്ടടുത്ത ദിവസങ്ങളില്‍ മാത്രമാണ് പട്രോളിംഗ് നടത്തിയത്. പിന്നീട് അത് ഉണ്ടായില്ല.