നിര്‍മാണ നിരോധനം നീക്കുന്നതിനുള്ള ചട്ടങ്ങളാണ് അടിയന്തരമായി വേണ്ടത്: കാത്തോലിക്ക സഭ ഇടുക്കി രൂപത
നിര്‍മാണ നിരോധനം നീക്കുന്നതിനുള്ള ചട്ടങ്ങളാണ് അടിയന്തരമായി വേണ്ടത്: കാത്തോലിക്ക സഭ ഇടുക്കി രൂപത
ഇടുക്കി: ഭൂപതിവ് നിയമഭേദഗതി ചട്ടങ്ങള്‍ക്ക് മന്ത്രിസഭാ അംഗീകാരം നല്‍കിയത് സ്വാഗതാര്‍ഹമാണെന്ന് കാത്തോലിക്ക സഭ. നിര്‍മാണ നിരോധനവും വന്യമൃഗ ശല്യവുമാണ് മലയോര മേഖല നേരിടുന്ന ഗുരുതരമായ പ്രശ്‌നങ്ങള്‍. എന്നാല്‍ 1960ലെ ഭൂപതിവ് നിയമ 1964ലെ ഭൂപതിവ് ചട്ടപ്രകാരം പതിച്ചു നല്‍കിയ ഭൂമിയില്‍ വാണിജ്യാവശ്യത്തിന് കെട്ടിടം നിര്‍മിക്കാന്‍ പുതിയ ചട്ടത്തിലും അനുമതിയില്ല. ഈ ഭൂമിയില്‍ കൃഷിക്കും വീട് നിര്‍മിക്കുന്നതിനും മാത്രമാണ് അനുമതിയുള്ളത്. 2024 ജൂണ്‍ 7 വരെ നിര്‍മിച്ച കെട്ടിടങ്ങള്‍ ഫീസ് അടച്ച് ക്രമവല്‍ക്കരിക്കാനാണ് മന്ത്രിസഭായോഗം തീരുമാനം. പട്ടയ ഭൂമിയില്‍ വാണിജ്യാവശ്യത്തിന് കെട്ടിടം നിര്‍മിക്കുന്നതിന് അനുമതി നല്‍കുന്നത് ഭൂപതിവ് നിയമ ഭേദഗതി ഏഴാം വകുപ്പ് ഒബി ചട്ടപ്രകാരമാണ്. എന്നാല്‍ ഒബി ചട്ടങ്ങള്‍ രൂപീകരിക്കാതെ മലയോര മേഖലയിലെ പ്രശ്‌നങ്ങള്‍ പരിഹരിക്കപ്പെടുകയില്ല. നിര്‍മാണ നിരോധനം നിലനില്‍ക്കുന്നിടത്തോളം ഭൂമിയുടെ മൂല്യം കുറയുകയും ടൂറിസത്തെ പ്രതികൂലമായി ബാധിക്കുകയും ചെയ്യും. ഹൈറേഞ്ചിന്റെ സമ്പത്ത് ടൂറിസവും റിയല്‍ എസ്റ്റേറ്റ് വാല്യുവുമാണ്. ഈ മേഖലയിലുള്ള ഇടിവ് ഹൈറേഞ്ചിന്റെ വളര്‍ച്ചയെ പിറകോട്ടടിക്കും. ഒബി ചട്ടങ്ങള്‍ എത്രയും വേഗം രൂപീകരിച്ച് മലയോര ഭൂവിഷയങ്ങളില്‍ പരിഹാരം കണ്ടെത്താന്‍ സര്‍ക്കാര്‍ ഇച്ഛാശക്തി കാണിക്കണം. പിഴയടച്ചുള്ള ക്രമവല്‍ക്കരണം അഴിമതിയിലേക്ക് വഴിമാറാതിരിക്കാനുഉള്ള ജാഗ്രതയും ഉണ്ടാകണമെന്ന് ഇടുക്കി രൂപത വക്താവ് ഫാ. ജിന്‍സ് കാരയ്ക്കാട്ട് പറഞ്ഞു.
What's Your Reaction?
