കുന്തളംപാറ ദേവി ക്ഷേത്രത്തില്‍ മീനപ്പൂര മഹോത്സവം സമാപിച്ചു നഗരത്തെ വര്‍ണാഭമാക്കി താലപ്പൊലി-മുളപ്പാരി ഘോഷയാത്ര
കുന്തളംപാറ ദേവി ക്ഷേത്രത്തില്‍ മീനപ്പൂര മഹോത്സവം സമാപിച്ചു നഗരത്തെ വര്‍ണാഭമാക്കി താലപ്പൊലി-മുളപ്പാരി ഘോഷയാത്ര
ഇടുക്കി: കട്ടപ്പന കുന്തളംപാറ ദുര്‍ഗ-ഭദ്രകാളി ദേവി ക്ഷേത്രത്തില്‍ മീനപ്പൂര മഹോത്സവം സമാപിച്ചു. വാദ്യമേളങ്ങളുടെയും നെറ്റിപ്പട്ടം കെട്ടിയ ആനകളുടെയും അകമ്പടിയോടെ നഗരത്തില്‍ വര്‍ണാഭമായ ഘോഷയാത്രയും നടന്നു. ഇടുക്കിക്കവല ലക്ഷ്മിനാരായണ ക്ഷേത്രത്തില്‍നിന്ന് ആരംഭിച്ച് ടൗണ്‍ചുറ്റി ക്ഷേത്രത്തില്‍ സമാപിച്ച ഘോഷയാത്രയില്‍ താലപ്പൊലിയും മുളപ്പാരിയുമായി നൂറുകണക്കിന് ഭക്തര്‍ പങ്കെടുത്തു.തുടര്‍ന്ന് അന്നദാനം, ഓടക്കുഴല്‍ വാദനം, ക്ഷേത്രക്കമ്മിറ്റിയുടെ ചികിത്സാ ധനസഹായ വിതരണം, ഗാനമേള, പൂരമിടി എന്നിവയും നടന്നു.
ക്ഷേത്രം തന്ത്രി കല്ലാരിവേലിഇല്ലത്ത് പരമേശ്വര ശര്‍മ തിരുമേനി ക്ഷേത്ര ചടങ്ങുകള്‍ക്ക് മുഖ്യകാര്‍മികത്വം വഹിച്ചു. മുഖ്യകാര്യദര്‍ശി പി എസ് ഷാജി, പ്രസിഡന്റ് എം ടി രാജു, സെക്രട്ടറി എം ഡി വിപിന്‍ദാസ്, ഉത്സവകമ്മിറ്റി ചെയര്‍മാന്‍ എം എം രാജന്‍, കണ്‍വീനര്‍ ടി ജി അജീഷ്, അനില്‍കുമാര്‍ എസ് നായര്‍, ദിനേശന്‍ കൂടാരത്തുകിഴക്കേതില്‍, പി കെ കൃഷ്ണന്‍കുട്ടി, പി എം ഷിജു, ശ്രീജിത്ത് രവീന്ദ്രന്‍ തുടങ്ങിയവര്‍ നേതൃത്വം നല്‍കി.
What's Your Reaction?
