ഇടുക്കി: വനം വകുപ്പിന് കീഴിലെ സംസ്ഥാന വനം വികസന ഏജന്‍സി നടത്തി വരുന്ന സ്‌നേഹ ഹസ്തം പദ്ധതിയുടെ ഭാഗമായി കണ്ണംപടി ഉന്നതിയില്‍ മെഗാ മെഡിക്കല്‍ ക്യാമ്പ് നടത്തി. ഉപ്പുതറ പഞ്ചായത്ത് പ്രസിഡന്റ് കെ ജെ ജെയിംസ് ഉദ്ഘാടനം ചെയ്തു. ആദിവാസികളുടെ ആരോഗ്യ പരിപാലനം ലക്ഷ്യമിട്ട് സംസ്ഥാനത്തുടനീളം 100 ക്യാമ്പുകളാണ് നടത്തുന്നത്. ഐഎംഎ അംഗങ്ങളായ കട്ടപ്പന സെന്റ് ജോണ്‍സ് ആശുപത്രിയിലെ 6 ഡോക്ടര്‍മാര്‍ രോഗികളെ പരിശോധിച്ച് മരുന്നുകള്‍ വിതരണം ചെയ്തു. ആവശ്യമായവര്‍ക്ക് കണ്ണടകളും സൗജന്യമായി നല്‍കി. പഞ്ചായത്തംഗം ഷീബാ സത്യനാഥ് അധ്യക്ഷയായി. ഇടുക്കി വൈല്‍ഡ് ലൈഫ് വാര്‍ഡന്‍ ജയചന്ദ്രന്‍. ജി, രശ്മി, കണ്ണംപടി ഊരുമൂപ്പന്‍ രാമന്‍ എന്നിവര്‍ സംസാരിച്ചു. അസിസ്റ്റന്റ് വൈല്‍ഡ് ലൈഫ് വാര്‍ഡന്‍ പ്രസാദ് കുമാര്‍, സെക്ഷന്‍ ഫോറസ്റ്റ് ഓഫീസര്‍ സജിമോന്‍ എന്നിവര്‍ നേതൃത്വം നല്‍കി.