ഇടുക്കി : കുമളിയിൽ ഇരുമ്പുകമ്പി തലയിൽ പതിച്ച് വിദ്യാർഥിക്ക് ഗുരുതരമായി പരിക്കേറ്റ സംഭവത്തിൽ സുഹൃത്ത് അറസറ്റിൽ. ആനവിലാസം സ്വദേശി അഭിഷേക് (18) ആണ് പിടിയിലായത്. 3 പേരെയാണ് ചോദ്യം ചെയ്യലിന് വിളിപ്പിച്ചിരുന്നത്. ബാക്കി 2 പേരെ വിട്ടയച്ചു. ചൊവ്വാഴ്ചയാണ് ഇരുമ്പ് കമ്പി തലയിൽ പതിച്ചതെന്ന് സംശയിക്കുന്ന നിലയിൽ പ്ലസ് ടു വിദ്യാർഥി ശരണിനെ സ്കൂളിലെ ശുചിമുറി കെട്ടിടത്തിനടുത്ത് കണ്ടെത്തിയത്. ഗുരുതരമായി പരിക്കേറ്റ ശരൺ പാലായിലെ സ്വകാര്യ ആശുപത്രിയിൽ ചികിത്സയിലാണ്. കോടതിയിൽ ഹാജരാക്കിയ അഭിഷേകിനെ റിമാൻഡ് ചെയ്തു.