നെടുങ്കണ്ടത്ത് ബ്ലോക്ക് കിസാന്‍ മേള നടത്തി
നെടുങ്കണ്ടത്ത് ബ്ലോക്ക് കിസാന്‍ മേള നടത്തി
ഇടുക്കി: നെടുങ്കണ്ടത്ത് ബ്ലോക്ക് കിസാന്‍ മേള നടത്തി. ഉടുമ്പന്‍ചോല സെന്റ് ജോര്‍ജ് മലങ്കര ചര്‍ച്ച് ഹാളില്‍ ഉടുമ്പന്‍ചോല പഞ്ചായത്ത് പ്രസിഡന്റ് കെ കെ സജി കുമാര്‍ ഉദ്ഘാടനം ചെയ്തു. കാര്‍ഷിക വികസന കര്‍ഷക ക്ഷേമവകുപ്പ് നടപ്പാക്കുന്ന ഭാരതീയ പ്രകൃതികൃഷി പദ്ധതിയുടെ ഭാഗമായാണ് കിസാന്‍ മേള നടത്തുന്നത്. നെടുങ്കണ്ടം ബ്ലോക്കിന് കീഴിലെ ഏഴ് പഞ്ചായത്തിലെ കര്‍ഷകര്‍ക്കായാണ് മേള നടത്തിയത്. ജൈവ കൃഷിയെ പ്രോത്സാഹിപ്പിക്കുകയെന്ന ലക്ഷ്യത്തോടെ കാര്‍ഷിക സെമിനാര്‍, കാര്‍ഷിക ഉല്‍പ്പന്നങ്ങളുടെ പ്രദര്‍ശന വിപണന മേള, വിള ഇന്‍ഷുറന്‍സ്, സബ്‌സിഡി നിരക്കില്‍ കാര്‍ഷിക ഉപകരണങ്ങള്‍ വാങ്ങുന്നതിനുള്ള സൗകര്യം, പച്ചക്കറിതൈ വിതരണം, കര്‍ഷകരുടെ സംശയനിവാരണം, ഏലം കൃഷിയില്‍ ജൈവികരോഗ കീടനിയന്ത്രണം, തേനീച്ച വളര്‍ത്തല്‍ എന്നി വിഷയങ്ങളില്‍ സെമിനാറും നടത്തി. നീണ്ട നാളത്തെ സേവനത്തിനുശേഷം സ്ഥലം മാറിപ്പോകുന്ന കൃഷിവകുപ്പ് ജീവനക്കാരെ ചടങ്ങില്‍ ആദരിച്ചു. രാജാക്കാട് പഞ്ചായത്ത് പ്രസിഡന്റ് നിഷ രതീഷ് മുഖ്യപ്രഭാഷണം നടത്തി. നെടുങ്കണ്ടം കൃഷി അസി. ഡയറക്ടര്‍ രശ്മി വിജയന്‍ പദ്ധതി വിശദീകരിച്ചു. കൃഷി ഓഫീസര്‍ എസ് മണികണ്ഠന്‍, പഞ്ചായത്ത് വൈസ് പ്രസിഡന്റ് ബീന ബിജു, പഞ്ചായത്തംഗങ്ങള്‍, കാര്‍ഷിക വികസന സമിതിയംഗങ്ങള്‍, കര്‍ഷകര്‍, കൃഷിവകുപ്പ് ജീവനക്കാര്‍, കുടുംബശ്രീ അംഗങ്ങള്‍ എന്നിവര്‍ പങ്കെടുത്തു.
What's Your Reaction?
