റവന്യു ജില്ലാ സ്‌കൂള്‍ കായികമേളയില്‍ പ്രതിഷേധവുമായി കായികാധ്യാപകര്‍
റവന്യു ജില്ലാ സ്‌കൂള്‍ കായികമേളയില്‍ പ്രതിഷേധവുമായി കായികാധ്യാപകര്‍
ഇടുക്കി: റവന്യു ജില്ലാ സ്‌കൂള്‍ കായികമേളയ്ക്കിടെ പ്രതിഷേധവുമായി കായികാധ്യാപകര്‍. വര്‍ഷങ്ങളായി അധ്യാപകര്‍ ഉന്നയിക്കുന്ന പ്രശ്നങ്ങള്‍ക്ക് പരിഹാരമുണ്ടാകാത്തതിനാലാണ് നെടുങ്കണ്ടം പഞ്ചായത്ത് സ്റ്റേഡിയത്തില്‍ ഇവര്‍ പ്രതിഷേധിച്ചത്. സര്‍ക്കാര്‍, എയ്ഡഡ് സ്‌കൂളുകള്‍ക്ക് ഒരേപോലെ ബാധകമാകുംവിധം കായികാധ്യാപകര്‍ക്ക് സംരക്ഷണ ഉത്തരവ് പുനസ്ഥാപിക്കുക, യുപി-ഹൈസ്‌കൂള്‍ തസ്തിക നിര്‍ണയ മാനദണ്ഡങ്ങള്‍ കാലോചിതമായി പരിഷ്‌കരിക്കുക, ഹയര്‍ സെക്കന്‍ഡറിയില്‍ തസ്തികകള്‍ അനുവദിച്ച് സ്ഥാനക്കയറ്റവും നിയമനവും നല്‍കുക തുടങ്ങിയ ആവശ്യങ്ങള്‍ ഉന്നയിച്ചാണ് സമരം.
കായികാധ്യാപകര്‍ നടത്തിവരുന്ന സമരം മേളയുടെ നടത്തിപ്പിനെയും പ്രതികൂലമായി ബാധിച്ചു. മുന്‍കാലങ്ങളില്‍നിന്ന് വ്യത്യസ്തമായി സംഘാടനത്തിലും പിഴവുകള്‍ പ്രകടമായിരുന്നു. വര്‍ഷങ്ങളായി തുടരുന്ന പ്രതിഷേധത്തിന്റെ ഭാഗമായി കായികമേളയുടെ ആതിഥേയത്വം ഏറ്റെടുക്കാനും വിവിധ കമ്മിറ്റികളുടെ ചുമതല ഏറ്റെടുക്കാനും കായികാധ്യാപകര്‍ തയാറായില്ല. ആലോചനയോഗങ്ങളില്‍നിന്ന് സ്വകാര്യ മാനേജ്മെന്റ സ്‌കൂള്‍ അധ്യാപകര്‍ ഒന്നടങ്കം വിട്ടുനിന്നു. വിദ്യാഭ്യാസ ഉപഡയറക്ടറുടെ കടുത്ത സമ്മര്‍ദത്തിനൊടുവിലാണ് ചിലര്‍ നടത്തിപ്പ് ചുമതല ഏറ്റെടുത്തത്.
What's Your Reaction?
