ഇടുക്കി : വെള്ളയാംകുടി സെന്റ് ജോർജ് ഫൊറോന പള്ളിയിൽ വിശുദ്ധ ഗീവർഗീസിന്റെയും പരിശുദ്ധ കന്യകാമറിയത്തിന്റെയും വിശുദ്ധ സെബസ്ത്യാനോസിന്റെയും തിരുനാൾ 23,24,25 തീയതികളിൽ നടക്കും. 23ന് വൈകിട്ട് 4.15ന് കൊടിയേറ്റ്, ലദീഞ്ഞ്, തിരുസ്വരൂപ പ്രതിഷ്ഠ. 4.30ന് നടക്കുന്ന വിശുദ്ധ കുര്‍ബാനയ്ക്ക് ഇടുക്കി രൂപതാ മുഖ്യ വികാരി ജനറല്‍ മോണ്‍. ജോസ് കരിവേലിക്കല്‍ മുഖ്യകാര്‍മികത്വം വഹിക്കും. തുടര്‍ന്ന് സെമിത്തേരി സന്ദര്‍ശനം. 24ന് വൈകിച്ച് 4ന് ലദീഞ്ഞ്. തുടര്‍ന്ന് നടക്കുന്ന വിശുദ്ധ കുര്‍ബാനയ്ക്ക് ഫാ. കുര്യന്‍ പുത്തന്‍പുര മുഖ്യകാര്‍മികത്വം വഹിക്കും. മെല്‍ബണ്‍ രൂപതാ കത്തീഡ്രല്‍ വികാരി ഫാ. മാത്യു അരീപ്ലാക്കല്‍ സന്ദേശം നല്‍കും. തുടര്‍ന്ന് കട്ടപ്പന ടൗണിലേയ്ക്ക് പ്രദക്ഷിണം. ദിവ്യകാരുണ്യ ആശീര്‍വാദം, വാദ്യമേളങ്ങള്‍. സമാപന ദിവസമായ ഞായറാഴ്ച രാവിലെ 7 നും 8 നും 9 നും വിശുദ്ധ കുർബാന. 10ന് വാഹന വെഞ്ചരിപ്പ്.വൈകിട്ട് 4ന് നടക്കുന്ന ആഘോഷമായ തിരുനാൾ കുർബാനക്ക് ഫാ. ജോജു മുഖ്യകാർമികത്വം വഹിക്കും. ഫാ. റോയി കണ്ണംച്ചിറ സന്ദേശം നൽകും .വൈകിട്ട് 7.30ന് തിരുവനന്തപുരം ജോസ്കോ അവതരിപ്പിക്കുന്ന ഗാനമേളയും നടക്കും.വാർത്താസമ്മേളനത്തിൽ വികാരി മോൺ. അബ്രാഹാം പുറയാറ്റ്, സാജൻ വലിയകുന്നൽ, മത്യൂ കൊല്ലിത്തടത്തിൽ, ജിനോഷ് ജോസഫ്, ലിബിൻ ചാക്കോ എന്നിവർ പങ്കെടുത്തു.