ലഹരി പാര്‍ട്ടി നടത്തുന്നവരെ പൂട്ടാന്‍ പൊലീസ്: റിസോര്‍ട്ടുകളിലും ഹോട്ടലുകളിലും പരിശോധന
ലഹരി പാര്‍ട്ടി നടത്തുന്നവരെ പൂട്ടാന്‍ പൊലീസ്: റിസോര്‍ട്ടുകളിലും ഹോട്ടലുകളിലും പരിശോധന
ലഹരി പാര്‍ട്ടി നടത്തുന്നവരെ പൂട്ടാന്‍ പൊലീസ്:
റിസോര്‍ട്ടുകളിലും ഹോട്ടലുകളിലും പരിശോധന
ഇടുക്കി: ക്രിസ്മസ് പുതുവത്സരാഘോഷത്തിന്റെ മറവില്‍ റിസോര്‍ട്ടുകളും ഹോട്ടലുകളും കേന്ദ്രീകരിച്ച് ലഹരി പാര്‍ട്ടി നടത്തുന്നത് തടയാന്‍ പൊലീസ് പരിശോധന തുടങ്ങി. കുമളി, തേക്കടി മേഖലയിലെ ഹോട്ടല്‍, റിസോര്‍ട്ട് നടത്തിപ്പുകാരുടെ സംഘടനയായ ടി.ഡി.പി.സിയുടെയും പൊലീസിന്റെയും സംയുക്ത യോഗം ചേര്‍ന്നു. കഴിഞ്ഞ വര്‍ഷങ്ങളില്‍ ചിലയിടങ്ങളില്‍ ലഹരി പാര്‍ട്ടി നടന്നത് വന്‍ വിവാദമായതോടെയാണ് പരിശോധന ശക്തമാക്കാന്‍ തീരുമാനിച്ചത്.
മുറികള്‍ ബുക്ക് ചെയ്യുന്നവരെക്കുറിച്ചുള്ള വിവരങ്ങള്‍ പൊലീസിന് നല്‍കാനും ഇവരുടെ വിലാസത്തില്‍ നേരിട്ടെത്തി അന്വേഷിക്കാനും തീരുമാനമായി.
ലഹരി ഉല്‍പ്പന്നങ്ങള്‍ കൂടാതെ അതിര്‍ത്തി വരുന്നത് തടയാന്‍ പൊലീസ്, ഫോറസ്റ്റ്, എക്‌സൈസ് വകുപ്പുകള്‍ സംയുക്തമായി ഡോഗ് സ്‌ക്വാഡിന്റെ സഹകരണത്തോടെ പരിശോധന നടത്തുമെന്ന് കുമളി എസ്എച്ച്ഒ ജോബിന്‍ ആന്റണി പറഞ്ഞു.
വിവരങ്ങള്‍ ഉടന്‍ അറിയിക്കാന്‍ ഹോട്ടല്‍ ഉടമകളുടെയും പൊലീസിന്റെയും വാട്‌സ്ആപ് ഗ്രൂപ്പുകളും ഉണ്ട്. ബുക്കിങ് നടത്തുന്നവരെക്കുറിച്ച് രഹസ്യന്വേഷണ വിഭാഗത്തിന്റെ സഹകരണത്തോടെ പരിശോധന നടത്തി ലഹരി ഉപയോഗം തടയാനാണ് തീരുമാനം. യോഗത്തില്‍ ടിഡിപിസി പ്രസിഡന്റ് ഡിഡി പുന്നന്‍, സെക്രട്ടറി ഗിരീഷ് കുമാര്‍, സംഘടന അംഗങ്ങള്‍, റിസോര്‍ട്ട് ഉടമകള്‍ തുടങ്ങിയവരും പങ്കെടുത്തു.
What's Your Reaction?
