ഇടുക്കി : കാഞ്ചിയാർ പള്ളിക്കവലയിൽ  മരം   വൈദ്യുതി ലൈനിലേക്ക് ഒടിഞ്ഞുവീണു. തിങ്കളാഴ്ച്ച രാത്രിയിൽ മരം കടപുഴകി വീണ് ഇതേ സ്ഥലത്ത്  ഗതാഗതം  തടസപ്പെട്ടിരുന്നു . ചൊവ്വാഴ്ച്ച പുലർച്ചയോടെയാണ് വനംവകുപ്പിന്റെ ഉടമസ്ഥതയിലുള്ള സ്ഥലത്തെ മരം ഒടിഞ്ഞുവീണത്.  മഴ ശക്തമായതോടെ ഏതു നിമിഷവും ഇവിടെ മരങ്ങൾ ഒടിഞ്ഞു വീഴാനും കടപുഴകി വീഴാനുമുള്ള സാധ്യതയുണ്ട് . നിരവധി വാഹന യാത്രക്കാർക്കും കാൽനടയാത്രക്കാർക്കും വ്യാപാരികൾക്കും ഭീഷണി ഉയർത്തുന്ന മരങ്ങൾ വെട്ടിമാറ്റണമെന്നാവശ്യപ്പെട്ട്   നിരവധി തവണ വനം വകുപ്പിനേ അറിയിച്ചിട്ടും നടപടി സ്വീകരിച്ചിട്ടില്ല എന്നും  പ്രദേശവാസികൾ  പറയുന്നു . അടിയന്തരമായി  നടപടികൾ സ്വീകരിക്കണമെന്നാണ്
 പ്രദേശവാസികളുടെ ആവശ്യം.