ഇടുക്കി: പതിനാറാംകണ്ടം ദക്ഷിണ കൈലാസം ശ്രീ മഹാദേവക്ഷേത്രത്തില്‍ നടന്നുവന്നിരുന്ന ശ്രീമദ് ശിവപുരാണ ജ്ഞാനയജ്ഞം സമാപിച്ചു. ഏപ്രില്‍ 20-ന് ആരംഭിച്ച ശിവപുരാണ ജ്ഞാനജ്ഞം ഏഴ് ദിനരാത്രങ്ങള്‍ക്ക് ശേഷം ആചാര്യദക്ഷിണയോടെയാണ് സമാപിച്ചത്. പാര്‍വ്വതി - പരമേശ്വര ചരിതങ്ങളുമായി ബന്ധപ്പെട്ടുള്ള പ്രഭാഷണങ്ങള്‍, ഭക്തിഗാനാലാപനം, ഗുരുശ്രേഷ്ഠരെ ആദരിക്കുന്ന ഗുരുവന്ദനം, കുമാരി - കുമാര പൂജകള്‍, തിരുവാതിര , ശിവ താണ്ഡവ നൃത്തം, മാതൃവന്ദനം, സുദര്‍ശന ഹോമം, മഹാമൃത്യുഞ്ജയ ഹോമം, എന്നിങ്ങനെ പ്രത്യേക ചടങ്ങുകള്‍ നടന്നു. സമാപന ചടങ്ങുകളുടെ ഭാഗമായി വേദശ്രീ ഡോ : മണികണ്ഠന്‍ പള്ളിക്കലിനെ ക്ഷേത്രം രക്ഷാധികാരി പി കെ സോമന്‍ പരപ്പുങ്കല്‍, പ്രസിഡന്റ് മോഹനന്‍ മണ്ണൂര്‍ എന്നിവര്‍ ചേര്‍ന്ന് പൊന്നാടയണിയിച്ചു. സെക്രട്ടറി വിനോദ് കാട്ടൂരിന്റെ നേതൃത്വത്തില്‍ മറ്റ് കമ്മിറ്റിയംഗങ്ങള്‍ യജ്ഞത്തിലെ പൗരാണികര്‍ക്ക് ദക്ഷിണ നല്‍കിയതോടെ ഇക്കൊല്ലത്തെ ശ്രീമദ് ശിവപുരാണജ്ഞാനയജ്ഞത്തിന് സമാപനമായി.