ഇടുക്കി: കട്ടപ്പനയിലെ വഴിയോര കച്ചവടത്തിനെതിരെ കേരള വ്യാപാരി വ്യവസായി സമിതി നഗരസഭ ക്ലീന്‍സിറ്റി മാനേജര്‍ക്ക് നിവേദനം നല്‍കി. വഴിയോരക്കച്ചവടം പൂര്‍ണമായും നിരോധിച്ചുവെന്ന് കാണിച്ച് നഗരസഭ മുമ്പും പലതവണ രേഖാമൂലം സമിതിക്ക് കത്ത് നല്‍കിയിരുന്നു. എന്നാല്‍ നഗരത്തില്‍ വഴിയോര കച്ചവടം തകൃതിയായി നടക്കുന്നുണ്ട്. നഗരത്തിന്റെ വിവിധ ഭാഗങ്ങളില്‍ അതിഥി തൊഴിലാളികളും, മറ്റുജില്ലകളില്‍ നിന്നുള്ളവരും പകലും രാത്രിയിലും വാഹനങ്ങളിലാണ് വ്യാപാരം നടത്തുന്നത്. ഇത് മാനദണ്ഡങ്ങള്‍ പാലിച്ചുകൊണ്ട് വ്യാപാരം നടത്തുന്ന വ്യാപാരികളെ അടച്ചുപൂട്ടലിലേയ്ക്ക് എത്തിക്കുന്നുവെന്നും സമിതി ആരോപിച്ചു. യാതൊരുവിധ ലൈസന്‍സൊ അനുബന്ധ രേഖകളോയില്ലാതെ വ്യാപാരം നടത്തുന്നു എന്നതിലുപരി  നിരോധിത ക്യാരിബാഗുകള്‍ ഉപയോഗിക്കുകയും മാലിന്യങ്ങള്‍ പൊതുസ്ഥലങ്ങളില്‍ വലിച്ചെറിയുന്നതും പതിവാണ്. അനധികൃതമായ ഇത്തരം വ്യാപാരങ്ങള്‍ക്ക് എതിരെ കര്‍ശനമായ നടപടികള്‍ സ്വീകരിച്ച് നിരോധിക്കണമെന്നാണ് വ്യാപാരി വ്യവസായി സമിതി നിവേദനത്തില്‍ ആവശ്യപ്പെട്ടിരിക്കുന്നത്. വിഷയത്തില്‍ മുമ്പ് നിരവധി തവണ വ്യാപാരി വ്യവസായി സമിതി കട്ടപ്പന നഗരസഭ അധികാരികള്‍ മുമ്പാകെ പരാതിയും നിവേദനങ്ങളും നല്‍കിയിരുന്നു.  വ്യാപാരി വ്യവസായി സമിതി ജില്ലാ വൈസ് പ്രസിഡന്റ് മജീഷ് ജേക്കബ്, കട്ടപ്പന യൂണിറ്റ് സെക്രട്ടറി ഷിനോജ് ജി എസ് , ഭാരവാഹികളായ ആല്‍വിന്‍ തോമസ്, എം ആര്‍ അയ്യപ്പന്‍കുട്ടി, പി എം ഷെഫീഖ്, മനു ജോസഫ്, എ വി രാജീവ് എന്നിവരുടെ നേതൃത്വത്തിലാണ് നിവേദനം നല്‍കിയത