.jpeg)
കട്ടപ്പനയില്‍ റിങ് റോഡും മൂലമറ്റത്ത് കോണ്‍ക്രീറ്റ് പാലവും വരുന്നു
കട്ടപ്പനയില്‍ റിങ് റോഡും മൂലമറ്റത്ത് കോണ്‍ക്രീറ്റ് പാലവും വരുന്നു
ഇടുക്കി: കട്ടപ്പന നഗരത്തിലെ ഗതാഗതക്കുരുക്കിന് പരിഹാരമായി റിങ് റോഡിനും മൂലമറ്റത്ത് തൊടുപുഴയാറിനുകുറുകെ എകെജി ജങ്ഷനില്‍ പാലത്തിനും സംസ്ഥാന ബജറ്റില്‍ തുക അനുവദിച്ചതായി മന്ത്രി റോഷി അഗസ്റ്റിന്‍ അറിയിച്ചു. നിയമസഭയില്‍ പൊതുചര്‍ച്ചയുടെ ഭാഗമായി മന്ത്രി കെ എന്‍ ബാലഗോപാല്‍ നടത്തിയ മറുപടി പ്രസംഗത്തിലാണ് രണ്ട് പദ്ധതികളും ഉള്‍പ്പെടുത്തിയത്. റിങ് റോഡ് പൂര്‍ത്തിയാകുന്നതോടെ വാഹനങ്ങള്‍ക്ക് നഗരത്തില്‍ പ്രേവശിക്കാതെ മറ്റ് സ്ഥലങ്ങളിലേക്ക് കടന്നുപോകാനും. ബിഎംബിസി നിലവാരത്തില്‍ നിര്‍മാണം. തമിഴ്‌നാട്ടില്‍ നിന്നും എറണാകുളം, കോട്ടയം, കുമളി ഭാഗങ്ങളിലേക്കുമുള്ള വാഹനങ്ങള്‍ ടൗണിലെ തിരക്ക് ഒഴിവാക്കി റിങ് റോഡിലൂടെ ദേശീയ, സംസ്ഥാന പാതകളിലൂടെയും മലയോര ഹൈവേയിലൂടെയും കടന്നുപോകാം. വാഹനയാത്രികരുടെ നാളായുള്ള ആവശ്യമാണ് യാഥാര്‍ഥ്യമാകുന്നതെന്നും മന്ത്രി പറഞ്ഞു.
മൂലമറ്റം എകെജി ജങ്ഷനില്‍ സെന്റ് ജോര്‍ജ് സ്‌കൂളിനുസമീപമുള്ള റോഡില്‍ തൊടുപുഴയാറിനുകുറുകെയാണ് പുതിയ പാലം നിര്‍മിക്കുന്നത്. നിലവിലുള്ള തൂക്കുപാലത്തിന് സമീപമാണ് 11 മീറ്റര്‍ വീതിയില്‍ പുതിയ കോണ്‍ക്രീറ്റ് പാലം. നിര്‍മാണം പൂര്‍ത്തിയാകുന്നതോടെ മൂലമറ്റം, അറക്കുളം ഭാഗങ്ങളിലേക്ക് വേഗത്തില്‍ എത്തിച്ചേരാനാകും. നിലവിലുള്ള റോഡ് വീതികൂട്ടി മുന്നുങ്കവയല്‍, കൂവപ്പിള്ളി, ഇലവീഴാപൂഞ്ചിറ വഴി ഈരാറ്റുപേട്ടയ്ക്ക് ഗതാഗത സൗകര്യം ഒരുക്കാനും ലക്ഷ്യമിടുന്നു. ഇതുവഴി ഇരാറ്റുപേട്ടയിലേക്കുള്ള ദൂരത്തില്‍ 18 കിലോമീറ്റര്‍ കുറയും. ത്രിവേണി സംഗമത്തിനുസമീപത്ത് നിര്‍മിക്കുന്ന പാലം വിനോദസഞ്ചാരികളെ ആകര്‍ഷിക്കും. ഇലവീഴാപൂഞ്ചിറയിലേക്കും വിനോദസഞ്ചാരികളുടെ യാത്ര സുഗമമാകും. നിലവിലുള്ള തൂക്കുപാലം നിലനിര്‍ത്തിക്കൊണ്ടാണ് പുതിയ പാലത്തിന്റെ നിര്‍മാണം.
What's Your Reaction?
