ഇടുക്കി: വണ്ടന്‍മേട് പഞ്ചായത്ത് ബജറ്റില്‍ കാര്‍ഷിക മേഖലയ്ക്കും ഭവന നിര്‍മാണത്തിനും മുന്‍ഗണന. 35,12,31,685 രൂപ വരവും 32,99,14,713 രൂപ ചെലവും 2,13,16,972 രൂപ മിച്ചവുമുള്ള ബജറ്റ് സുരേഷ് മാനങ്കേരിയുടെ അധ്യക്ഷതയില്‍ വൈസ് പ്രസിഡന്റ് ഫിലോമിന രാജു അവതരിപ്പിച്ചു. കാര്‍ഷിക മേഖലയില്‍ 4.5 കോടി രൂപ ചെലവഴിക്കും. ഭവന നിര്‍മാണത്തിന് 5.18 കോടിയും വകയിരുത്തി. ശുചിത്വം, മാലിന്യസംസ്‌കരണം എന്നീ മേഖലകളില്‍ വിവിധ പദ്ധതികള്‍ നടപ്പാക്കും. വയോജനങ്ങള്‍, ഭിന്നശേഷിക്കാര്‍ എന്നിവര്‍ക്ക് 17.34 ലക്ഷം രൂപ ചെലവഴിക്കും. യോഗത്തില്‍ സ്റ്റാന്‍ഡിങ് കമ്മിറ്റി അധ്യക്ഷന്‍മാര്‍, പഞ്ചായത്തംഗങ്ങള്‍, ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.