വലിയപാറ കലാരഞ്ജിനി വായനശാല ലഹരി വിരുദ്ധ ക്യാമ്പയിന്‍ നടത്തി
വലിയപാറ കലാരഞ്ജിനി വായനശാല ലഹരി വിരുദ്ധ ക്യാമ്പയിന്‍ നടത്തി
ഇടുക്കി: വലിയപാറ കലാരഞ്ജിനി വായനശാലയും അങ്കണവാടിയുംചേര്‍ന്ന് ലഹരി വിരുദ്ധ ക്യാമ്പയിന്‍ നടത്തി. 'അകറ്റാം അകലാം, വേണ്ട ലഹരി' എന്ന സന്ദേശവുമായി ബോധവല്‍ക്കരണ ക്ലാസുകളും സംഘടിപ്പിച്ചു. വൊസാര്‍ഡ് പ്രവര്‍ത്തകര്‍ വീടുകള്‍ സന്ദര്‍ശിച്ച് ആളുകളെ ബോധവല്‍ക്കരിച്ചു. വലിയപാറ വായനശാലയില്‍ നടന്ന യോഗത്തില്‍ എക്‌സൈസ് ഇന്‍സ്‌പെക്ടര്‍ അബ്ദുള്‍സലാം ബോധവല്‍ക്കരണ ക്ലാസെടുത്തു. പൊലീസ് ഉദ്യോഗസ്ഥരായ ഷാജി, അഭിജിത്ത് എന്നിവര്‍ സന്ദേശം നല്‍കി. നഗരസഭ കൗണ്‍സിലര്‍ സിജു ചക്കുംമൂട്ടില്‍ അധ്യക്ഷനായി. വൊസാര്‍ഡ് ഓഫീസര്‍ ചാക്കോച്ചന്‍ അമ്പാട്ട്, ബേബി മാവുങ്കല്‍, സി എം ഭാസ്‌കരന്‍, റോയിച്ചന്‍ ജോസഫ് തുടങ്ങിയവര്‍ സംസാരിച്ചു. വിദ്യാര്‍ത്ഥികള്‍, യുവജനങ്ങള്‍, എസിഎസ്, സിഡിഎസ് പ്രവര്‍ത്തകര്‍, പ്രദേശവാസികള്‍ എന്നിവര്‍ പങ്കെടുത്തു.
What's Your Reaction?
