ഇടുക്കി: കട്ടപ്പന വള്ളക്കടവ് അമ്പലമേട് പഞ്ചമൂര്‍ത്തി ക്ഷേത്രത്തില്‍ പ്രതിഷ്ഠാദിന മഹോത്സവത്തോടനുബന്ധിച്ച് കാര്‍ത്തിക പൊങ്കാല നടന്നു. ക്ഷേത്രം മേല്‍ശാന്തി ബാലകൃഷ്ണ ശര്‍മ ചടങ്ങുകള്‍ക്ക് മുഖ്യകാര്‍മികത്വം വഹിച്ചു. ആയുരാരോഗ്യ സൗഖ്യത്തിനും സമ്പത്തിനും ഐശ്വര്യത്തിനും വിദ്യാഭ്യാസ പുരോഗതിക്കും വേണ്ടിയാണ് കാര്‍ത്തിക പൊങ്കാല അര്‍പ്പിക്കുന്നത്. ഉത്സവം മെയ് 3ന് സമാപിക്കും. ചടങ്ങുകള്‍ക്ക് ചെയര്‍മാന്‍ പി കെ അനില്‍കുമാര്‍, വൈസ് ചെയര്‍മാന്‍ സോമശേഖരന്‍ നായര്‍, ജനറല്‍ കണ്‍വീനര്‍ പി ജി പ്രസാദ്, സെക്രട്ടറി പി വി സന്തോഷ് പേരുശേരില്‍ എന്നിവര്‍ നേതൃത്വം നല്‍കി. സമാപന ദിവസമായ മെയ് 3ന് പതിവ് ക്ഷേത്രം ചടങ്ങുകള്‍ക്കുശേഷം വൈകിട്ട് 5ന് മഹാഘോഷയാത്ര, വൈകിട്ട് 6.45ന് കൈകൊട്ടിക്കളി, രാത്രി 7ന് നിറപൊലിക നാടന്‍ പാട്ടുകൂട്ടം കുറിച്ചി ഉദയപുരം അവതരിപ്പിക്കുന്ന നാടന്‍പാട്ട് എന്നിവ നടക്കും.