.jpeg)
പെരുവന്താനം പഞ്ചായത്ത് ഓഫീസിലെ വീഡിയോ കോണ്‍ഫറന്‍സ് ഹാള്‍ ഉദ്ഘാടനം ചെയ്തു
പെരുവന്താനം പഞ്ചായത്ത് ഓഫീസിലെ വീഡിയോ കോണ്‍ഫറന്‍സ് ഹാള്‍ ഉദ്ഘാടനം ചെയ്തു
ഇടുക്കി: പെരുവന്താനം പഞ്ചായത്ത് ഓഫീസില്‍ നിര്‍മാണം പൂര്‍ത്തീകരിച്ച വീഡിയോ കോണ്‍ഫറന്‍സ് ഹാള്‍ അഡ്വ. ഡീന്‍ കുര്യാക്കോസ് എംപി ഉദ്ഘാടനം ചെയ്തു. പഞ്ചായത്ത് പ്രസിഡന്റ് നിജിനി ഷംസുദീന്‍ അധ്യക്ഷയായി. ഓണ്‍ലൈന്‍ സെമിനാറുകള്‍, യോഗങ്ങള്‍ തുടങ്ങിയവ നടത്താന്‍ ടച്ച് സ്‌ക്രീന്‍ വീഡിയോ വാള്‍, 30 പുഷ്ബാക്ക് സീറ്റുകള്‍, സ്പീക്കറുകള്‍, എസി എന്നീ സൗകര്യങ്ങള്‍ കോണ്‍ഫറന്‍സ് ഹാളില്‍ ക്രമീകരിച്ചിട്ടുണ്ട്. 9.45 ലക്ഷം രൂപ ചെലവഴിച്ചാണ് നിര്‍മാണം.
പഞ്ചായത്ത് വൈസ് പ്രസിഡന്റ് ബൈജു ഇ ആര്‍, പഞ്ചായത്തംഗങ്ങളായ ജാന്‍സി വി എന്‍, സാലിക്കുട്ടി ജോസഫ്, ഗ്രേസി ജോസ്, മുഹമ്മദ് നിസാര്‍, സിജി എബ്രഹാം, ബിജുമോന്‍ പി ആര്‍, ഡോമിന സജി, എം സി സുരേഷ്, എബിന്‍ വര്‍ക്കി, മേരിക്കുട്ടി, ഷാജി പുല്ലാട്ട്, പ്രതിഭാ ബാബു, സെക്രട്ടറി എസ് ശ്രീകുമാര്‍ തുടങ്ങിയവര്‍ പങ്കെടുത്തു.
What's Your Reaction?
