.jpeg)
പ്രൊഫഷണല്‍ കോണ്‍ഗ്രസിന്റെ 'ഫോര്‍ അന്ന ഫോര്‍ ഓള്‍ ആന്‍ ഓഫീസ് വെല്‍നെസ് മൂവ്മെന്റി'ന് ഇടുക്കിയില്‍ തുടക്കം
പ്രൊഫഷണല്‍ കോണ്‍ഗ്രസിന്റെ 'ഫോര്‍ അന്ന ഫോര്‍ ഓള്‍ ആന്‍ ഓഫീസ് വെല്‍നെസ് മൂവ്മെന്റി'ന് ഇടുക്കിയില്‍ തുടക്കം
ഇടുക്കി: പ്രൊഫഷണല്‍ കോണ്‍ഗ്രസ് ജില്ലാ കമ്മിറ്റി, ഫോര്‍ അന്ന ഫോര്‍ ഓള്‍ ആന്‍ ഓഫീസ് വെല്‍നെസ് മൂവ്മെന്റ് ജില്ലാതല ഉദ്ഘാടനവും പബ്ലിക് കണ്‍സള്‍ട്ടേഷന്‍ പ്രോഗ്രാമും നടത്തി. കട്ടപ്പന വുഡ്ലാര്‍ക്ക് ഹോട്ടല്‍ ഓഡിറ്റോറിയത്തില്‍ അഡ്വ. ഡീന്‍ കുര്യാക്കോസ് എംപി ഉദ്ഘാടനം ചെയ്തു. ഓഫീസ് വെല്‍നെസ് പബ്ലിക് കണ്‍സള്‍ട്ടേഷന്‍ പ്രോഗ്രാം എന്ന വിഷയത്തില്‍ നിതില്‍ ലാലച്ചന്‍, ഡോ. മെറിന്‍ പൗലോസ്, സോബന്‍ ജോര്‍ജ് എബ്രഹാം, സാബു എം ഈപ്പന്‍ എന്നിവര്‍ ക്ലാസെടുത്തു. സംസ്ഥാന പ്രസിഡന്റ് രഞ്ജിത്ത് ബാലന്‍ വിഷയാവതരണം നടത്തി. കട്ടപ്പന നഗരസഭ ചെയര്‍പേഴ്സണ്‍ ബീനാ ടോമി, വൈസ് ചെയര്‍മാന്‍ അഡ്വ. കെ ജെ ബെന്നി, കോണ്‍ഗ്രസ് മണ്ഡലം പ്രസിഡന്റ് സിജു ചക്കുംമൂട്ടില്‍, പ്രൊഫഷണല്‍ കോണ്‍ഗ്രസ് ജില്ലാ പ്രസിഡന്റ് മനോജ് അഗസ്റ്റിന്‍, സെക്രട്ടറി ഫിലിക്സ് ജോസഫ് എന്നിവര്‍ സംസാരിച്ചു.
പൂനെയില്‍ മള്‍ട്ടി നാഷണല്‍ കമ്പനിയില്‍ ചാര്‍ട്ടേര്‍ഡ് അക്കൗണ്ടന്റായിരുന്ന കൊച്ചി സ്വദേശിനി അന്ന, അമിതജോലിഭാരത്തെ തുടര്‍ന്ന് കുഴഞ്ഞുവീണ് മരിച്ചിരുന്നു. അന്നയുടെ മരണം കോര്‍പ്പറേറ്റ് കമ്പനികളിലെ ജോലിഭാരവും ജീവനക്കാര്‍ നേരിടുന്ന മാനസിക സമ്മര്‍ദവും സംബന്ധിച്ച് ദേശീയതലത്തില്‍ വലിയ ചര്‍ച്ചയ്ക്ക് കാരണമായി. ഈ സംഭവത്തിന്റെ പശ്ചാത്തലത്തിലാണ്
പ്രൊഫഷണല്‍ കോണ്‍ഗ്രസ് സംസ്ഥാന കമ്മിറ്റി ജില്ലാതലത്തില്‍ ക്യാമ്പയിന്‍ ആരംഭിച്ചത്.
What's Your Reaction?
