.jpeg)
മൂന്നാര്‍ ലക്ഷം നഗറില്‍നിന്ന് എം ജി നഗറിലേക്കുള്ള നടപ്പുവഴി ഇടിഞ്ഞു: കുടുംബങ്ങള്‍ ഒറ്റപ്പെട്ടു
മൂന്നാര്‍ ലക്ഷം നഗറില്‍നിന്ന് എം ജി നഗറിലേക്കുള്ള നടപ്പുവഴി ഇടിഞ്ഞു: കുടുംബങ്ങള്‍ ഒറ്റപ്പെട്ടു
ഇടുക്കി: മൂന്നാര്‍ ലക്ഷം നഗറില്‍നിന്ന് എം ജി നഗറിലേക്കുള്ള നടപ്പുവഴിയുടെ ഒരുഭാഗം കനത്ത മഴയില്‍ ഇടിഞ്ഞതോടെ മേഖലയിലെ കുടുംബങ്ങള്‍ ഒറ്റപ്പെട്ടു. 2018ലെ പ്രളയത്തില്‍ തകര്‍ന്ന വഴിയില്‍ ഇരുമ്പുപൈപ്പുപയോഗിച്ച് പാലത്തിന് സമാന രീതിയില്‍ താല്‍ക്കാലിക സംവിധാനം ഒരുക്കിയാണ് പ്രദേശവാസികള്‍ യാത്ര ചെയ്തിരുന്നത്. കഴിഞ്ഞ ദിവസങ്ങളില്‍ പെയ്ത മഴയില്‍ ഈ താല്‍ക്കാലിക സംവിധാനവും തകര്‍ന്നു. മേഖലയിലെ 20ലേറെ കുടുംബങ്ങളാണ് ഇതു വഴി സഞ്ചരിക്കുന്നത്. തകര്‍ന്ന നടപ്പാത പുനര്‍നിര്‍മിക്കണമെന്ന ആവശ്യം കഴിഞ്ഞ കുറെക്കാലങ്ങളായി ഉയര്‍ത്തുന്നതാണെന്നും എന്നാല്‍ ബന്ധപ്പെട്ടവര്‍ നടപടി സ്വീകരിക്കുന്നില്ലെന്നും ആരോപണമുണ്ട്. പഞ്ചായത്തിനെ കൊണ്ടുമാത്രം തകര്‍ന്ന് ഭാഗത്ത് നിര്‍മാണം നടത്താന്‍ കഴിയില്ലെന്നും മറ്റ് സര്‍ക്കാര്‍ സംവിധാനങ്ങളുടെ ഭാഗത്തുനിന്ന് കൂടുതല്‍ തുക അനുവദിക്കണമെന്നും പഞ്ചായത്തംഗം ആവശ്യപ്പെട്ടു. കുറച്ച് കുറച്ചായി ഈ ഭാഗത്ത് മണ്ണിടിഞ്ഞ് പോകുന്നതാണ് ഒരുക്കിയിരുന്ന താല്‍ക്കാലിക സംവിധാനവും ഇപ്പോള്‍ പൂര്‍ണമായി തകരാന്‍ ഇടയാക്കിയത്. ഈ ഭാഗത്ത് ബലവത്തായ സംരക്ഷണ ഭിത്തി നിര്‍മിച്ച് സുരക്ഷയും നടപ്പാതയും ഒരുക്കി നല്‍കണമെന്നാണ് പ്രദേശവാസികളുടെ ആവശ്യം.
What's Your Reaction?
