ഇടുക്കി: ഛത്തീസ്ഗഡില്‍ മലയാളി കന്യാസ്ത്രീകളുടെ അറസ്റ്റില്‍ പ്രതിഷേധിച്ച് കെസിവൈഎം കെ ചപ്പാത്ത് യൂണിറ്റ് പ്രതിഷേധ റാലി നടത്തി. ആള്‍ക്കൂട്ട വിചാരണയ്ക്കുമുമ്പില്‍ കണ്ണുതുറക്കാത്ത നിയമസംവിധാനത്തിനെതിരെ അംഗങ്ങള്‍ പ്രതിഷേധിച്ചു. വികാരി ഫാ. സുരേഷ് ആന്റണി, ചപ്പാത്ത് സെന്റ് പയസ് കോണ്‍വെന്റിലെ വൈദികര്‍, കെസിവൈഎം പീരുമേട് മേഖലാ സെക്രട്ടറി ജോബിന്‍ രാജന്‍, മുന്‍ ഇടവക സമിതി സെക്രട്ടറി ജെയിംസ് കൊടൈക്കനാല്‍, ചപ്പാത്ത് യൂണിറ്റ് പ്രസിഡന്റ് അനീറ്റ പി സ്റ്റാലിന്‍, വൈസ് പ്രസിഡന്റ് അനൂജ് സതീഷ്, സെക്രട്ടറി ഷാരോണ്‍ ഷിജു എന്നിവര്‍ സംസാരിച്ചു.