ഇടുക്കി: ഉപ്പുതറ കണ്ണംപടി കിഴുകാനം സെക്ഷന്‍ ഫോറസ്റ്റ് ഓഫീസില്‍ മുട്ടക്കോഴി വിതരണം നടത്തി. പഞ്ചായത്തംഗം ഷീബ സത്യനാഥ് ഉദ്ഘാടനം ചെയ്തു. കൊല്ലത്തിക്കാവ്, കത്തിതേപ്പന്‍, മേമാരി തുടങ്ങി ആദിവാസി ഉന്നതികളിലെ ഇഡിസി അംഗങ്ങള്‍ക്കാണ് മുട്ടക്കോഴികളെ നല്‍കിയത്. പ്രാദേശിക തലത്തില്‍ വിദ്യാലയങ്ങളില്‍ കൂടുതല്‍ അടിസ്ഥാനസൗകര്യം ഒരുക്കുന്നതിന്റെ ഭാഗമായി അങ്കണവാടികള്‍ക്ക് ആവശ്യമായ ബെഡ്, പാത്രങ്ങള്‍, ഗ്യാസ് സ്റ്റൗ തുടങ്ങിയവയും വിതരണം ചെയ്തു. ഇടുക്കി അസിസ്റ്റന്റ് വൈല്‍ഡ് ലൈഫ് വാര്‍ഡന്‍ ബി പ്രസാദ്കുമാര്‍ അധ്യക്ഷനായി. സെക്ഷന്‍ ഫോറസ്റ്റ് ഓഫീസര്‍ കെ കെ സജിമോന്‍, കിഴുകാനം ഊരുമൂപ്പന്‍ മദന മോഹനന്‍, കണ്ണംപടി ഊരുമൂപ്പന്‍ രാമന്‍, മേമാരി ഊരുമൂപ്പന്‍ ഷാജി എന്നിവര്‍ സംസാരിച്ചു.