ഇടുക്കി:  അടിമാലി ഗവ. ഹൈസ്‌കൂളില്‍ എസ്പിസി ദിനാചരണം നടത്തി. അടിമാലി ബ്ലോക്ക് പഞ്ചായത്ത് പ്രസിഡന്റ് സോമന്‍ ചെല്ലപ്പന്‍ ഉദ്ഘാടനം ചെയ്തു. അടിമാലി എസ്എച്ച്ഒ സി വി ലൈജുമോന്‍ എസ് പി സി കേഡറ്റുകള്‍ക്കായി ക്ലാസ് നയിച്ചു. പരിപാടിയുടെ ഭാഗമായി കുട്ടി പൊലീസ് അടിമാലി പൊലീസ് സ്റ്റേഷന്‍ സന്ദര്‍ശിച്ചു. സേന ഉപയോഗിക്കുന്ന ആയുധങ്ങള്‍ ഉദ്യോഗസ്ഥര്‍ കുട്ടികള്‍ക്ക് പരിചയപ്പെടുത്തി. പിടിഎ പ്രസിഡന്റ് സി എസ് സുധീഷ് അധ്യക്ഷനായി. ഹെഡ്മിസ്ട്രസ് കെ ഗീത, റിട്ട. പൊലീസ് ഉദ്യോഗസ്ഥനായ സതീഷ്‌കുമാര്‍ എന്നിവര്‍ സംസാരിച്ചു. എസ്പിസി കോ-ഓര്‍ഡിനേറ്റര്‍ ആശ അബ്രഹാം, ജസ്റ്റിന്‍ ജോയി, ശ്രീകല, റജീന, ആനി സെബാസ്റ്റ്യന്‍ എന്നിവര്‍ നേതൃത്വം നല്‍കി.