പ്രായപൂര്‍ത്തിയാകാത്ത പെണ്‍കുട്ടിയെ തട്ടിക്കൊണ്ട് പോയ കേസില്‍ രണ്ട് പേര്‍ അറസ്റ്റില്‍
പ്രായപൂര്‍ത്തിയാകാത്ത പെണ്‍കുട്ടിയെ തട്ടിക്കൊണ്ട് പോയ കേസില്‍ രണ്ട് പേര്‍ അറസ്റ്റില്‍
ഇടുക്കി: പ്രായപൂര്‍ത്തിയാകാത്ത പെണ്‍കുട്ടിയെ തട്ടിക്കൊണ്ടുപോയ കേസില്‍ കാമുകന്‍ ഉള്‍പ്പെടെ രണ്ടുപേരെ കട്ടപ്പന പൊലീസ് അറസ്റ്റ് ചെയ്തു. വെള്ളയാംകുടി തോപ്പില്‍ അനന്തു(22), ഇയാളുടെ അമ്മാവന്‍ നിര്‍മലാസിറ്റി സൊസൈറ്റിപ്പടി വലിയപറമ്പ് മുകളേല്‍ സത്യന്‍(51) എന്നിവരാണ് പിടിയിലായത്. കട്ടപ്പന സ്വദേശിനിയായ 17കാരിയെ സത്യനും അനന്തുവും ചേര്‍ന്ന് കഴിഞ്ഞദിവസം ബസില്‍ ആലപ്പുഴയിലെത്തിച്ചു. തുടര്‍ന്ന് സത്യന്‍ ജോലി ചെയ്യുന്ന ആലപ്പുഴ പെരുമ്പളത്തെ തുരുത്തിലുള്ള വീട്ടില്‍ പാര്‍പ്പിച്ചിരിക്കുകയായിരുന്നു.
കുട്ടിയെ കാണാനില്ലെന്ന വീട്ടുകാരുടെ പരാതിയില്‍ പൊലീസ് നടത്തിയ അന്വേഷണത്തില്‍ പെണ്‍കുട്ടിയെ തുരുത്തില്‍നിന്ന് കണ്ടെത്തി. പ്രതികള്‍ക്കെതിരെ പോക്‌സോ നിയമപ്രകാരവും തട്ടിക്കൊണ്ടുപോകലിനും കേസെടുത്ത് കോടതിയില്‍ ഹാജരാക്കി റിമാന്‍ഡ് ചെയ്തു. കട്ടപ്പന എസ്എച്ച്ഒ ടി സി മുരുകന്‍, എസ്‌ഐ എബി ജോര്‍ജ്, ജൂനിയര്‍ എസ് ഐ ശ്യാം, ഗ്രേഡ് എസ്‌ഐ വിനയരാജ്, എസ് സിപിഒമാരായ ഫൈസല്‍, സുരേഷ്, ജോസഫ്, സിപിഒ സബീനാ ബീവി എന്നിവരടങ്ങുന്ന സംഘമാണ് പ്രതികളെ അറസ്റ്റ് ചെയ്തത്.
What's Your Reaction?
