മൂന്നാര്‍ കന്നിമല എസ്റ്റേറ്റില്‍ കാട്ടാനക്കൂട്ടം: സ്‌കൂള്‍ കെട്ടിടത്തിന് കേടുപാട്
മൂന്നാര്‍ കന്നിമല എസ്റ്റേറ്റില്‍ കാട്ടാനക്കൂട്ടം: സ്‌കൂള്‍ കെട്ടിടത്തിന് കേടുപാട്
ഇടുക്കി: മൂന്നാര്‍ കന്നിമല എസ്റ്റേറ്റിലെ ജനവാസ മേഖലയിലെത്തിയ കാട്ടാനക്കൂട്ടം സ്‌കൂള്‍ കെട്ടിടത്തിന് കേടുപാട് വരുത്തി. ശനിയാഴ്ച രാത്രി ഈസ്റ്റ് ഡിവിഷനില്‍ പ്രവര്‍ത്തിക്കുന്ന എല്‍പി സ്‌കൂളിന്റെ ജനാലച്ചില്ലുകള്‍ തകര്‍ത്തു. സ്റ്റോര്‍ മുറിയുടെ വാതില്‍ തകര്‍ത്ത് അരി ഉള്‍പ്പെടെ 15 ദിവസത്തേയ്ക്ക് കരുതിയിരുന്ന ഭക്ഷ്യസാധനങ്ങള്‍ നശിപ്പിച്ചു. പ്രഥമാധ്യാപകന്റെ ക്വാട്ടേഴ്‌സിനും കേടുപാടുവരുത്തി. മുമ്പും സ്‌കൂളിനുനേരെ കാട്ടാനയാക്രമണം ഉണ്ടായിട്ടുണ്ട്. രാത്രിയോടെ മൂന്ന് കാട്ടാനകളാണ് ജനവാസമേഖലയില്‍ വ്യാപക നാശനഷ്ടമുണ്ടാക്കി. മഴക്കാലമായിട്ടും കാട്ടാനശല്യത്തിന് കുറവില്ലാത്തത് നാട്ടുകാരെ ആശങ്കയിലാഴ്ത്തി.
What's Your Reaction?
