ഇടുക്കി: കെവിവിഇഎസ് കട്ടപ്പന യൂണിറ്റ് 26ന് ഓണാഘോഷം സംഘടിപ്പിക്കും. കട്ടപ്പനയിലെ 25ലേറെ സംഘടനകളെയും ക്ലബ്ബുകളുടെയും സൊസൈറ്റികളെയും പങ്കെടുപ്പിച്ചാണ് ആഘോഷപരിപാടി. കൂടാതെ വ്യാപാര സ്ഥാപനങ്ങളില്‍ പ്രത്യേക ഓഫറുകളും ഉണ്ടാകും. 26 മുതല്‍ സെപ്റ്റംബര്‍ 30 വരെ കടകളില്‍ പ്രത്യേക ഡിസ്‌കൗണ്ടുകളും ഒരുക്കും. 21ന് വൈകിട്ട് 7ന് മര്‍ച്ചന്റ്‌സ് അസോസിയേഷന്‍ ഹാളില്‍ സ്വാഗതസംഘം രൂപീകരണ യോഗം നടക്കും. യൂണിറ്റ് പ്രസിഡന്റ് സാജന്‍ ജോര്‍ജ് അധ്യക്ഷനായി. വൊസാര്‍ഡ് ഡയറക്ടര്‍ ഫാ. ജോസ് ആന്റണി, സമിതി ജില്ലാ വൈസ് പ്രസിഡന്റ് എം കെ തോമസ്, കട്ടപ്പന യൂണിറ്റ് വര്‍ക്കിങ് പ്രസിഡന്റ് സിജോമോന്‍ ജോസ്, നഗരസഭ കൗണ്‍സിലര്‍ ജോയി ആനിത്തോട്ടം, യൂണിറ്റ് ജനറല്‍ സെക്രട്ടറി ജോഷി കുട്ടട എന്നിവര്‍ സംസാരിച്ചു.