ഇടുക്കി: രാഹുല്‍ മാങ്കൂട്ടത്തിലിന്റെ രാജി ആവശ്യപ്പെട്ട് സിപിഐഎം പുളിയന്മല ലോക്കല്‍ കമ്മിറ്റി ജനകീയ വിചാരണ നടത്തി. ജില്ലാ സെക്രട്ടറിയേറ്റംഗം കെ എസ് മോഹനന്‍ ഉദ്ഘാടനം ചെയ്തു. പുളിയന്‍മല പാര്‍ട്ടി ഓഫീസ് പടിക്കല്‍നിന്നാരംഭിച്ച പ്രതിഷേധ പ്രകടനം ടൗണ്‍ ചുറ്റി സമാപിച്ചു. തുടര്‍ന്ന് രാഹുലിന്റെ കോലം കത്തിച്ചു. ഏരിയ കമ്മിറ്റിയംഗം എസ്.എസ്. പാല്‍രാജ് അധ്യക്ഷനായി. സെക്രട്ടറി മാത്യു ജോര്‍ജ് മുഖ്യപ്രഭാഷണം നടത്തി. ഏരിയ കമ്മിറ്റിയംഗം എം സി ബിജു, കെ എ മണി, പി പി സുരേഷ്, സി കുമാര്‍, എസ് കണ്ണന്‍ എന്നിവര്‍ സംസാരിച്ചു.