ഇടുക്കി: കരിമല ഫാത്തിമ മാതാ പള്ളിയില്‍ എട്ടുനോമ്പാചരണവും ഇടവക മദ്ധ്യസ്ഥ പരിശുദ്ധ കന്യകാമറിയത്തിന്റെയും വിശുദ്ധ സെബസ്ത്യാനോസിന്റെയും തിരുനാളിന് തുടക്കമായി. ഇടവക വികാരി ഫാ. ആന്റണി പാറക്കടവില്‍ കൊടിയേറ്റ് നടത്തി. തുടര്‍ന്ന് തിരുസ്വരൂപ പ്രതിഷ്ഠ, വിശുദ്ധ കുര്‍ബാന, നൊവേന എന്നീ ചടങ്ങുകളും നടത്തി. സെപ്റ്റംബര്‍ 2 മുതല്‍ 6 വരെ രാവിലെ 6:30ന് ജപമാലയും 7ന് വിശുദ്ധ കുര്‍ബാനയും നടക്കും. സെപ്റ്റംബര്‍ 7 ഞായറാഴ്ച വൈകിട്ട് 4:15ന് ലദീഞ്ഞ് 4:30ന് ആഘോഷമായ വിശുദ്ധ കുര്‍ബാനയും നടക്കും. തുടര്‍ന്ന് ജപമാല പ്രദക്ഷിണവും സെപ്റ്റംബര്‍ 8ന് രാവിലെ 10ന് ജപമാല, 10:30ന് പ്രസുദേന്തിമാരുടെ കാഴ്ച സമര്‍പ്പണം, നൊവേന ആഘോഷമായ തിരുനാള്‍ പാട്ടു കുര്‍ബാന എന്നിവയുണ്ടായിരിക്കും. ഉച്ചയ്ക്ക് 12: 30ന് പ്രദക്ഷിണവും, സമാപന ആശീര്‍വാദവും, സ്‌നേഹവിരുന്നും നടക്കും. സെപ്റ്റംബര്‍ 7, 8 തീയതികളില്‍ രാവിലെ 7 മുതല്‍ അമ്പ്, മുടി എന്നിവ എഴുന്നള്ളിക്കുന്നതിനും സൗകര്യം ഒരുക്കിയിട്ടുണ്ട്. ഫാ. തോമസ് കരിവേലിക്കല്‍, എഴുകുംവയല്‍ നിത്യസഹായ മാതാ പള്ളി വികാരി ഫാ. ജോസഫ് ചുനയംമാക്കല്‍ എന്നിവര്‍ സന്ദേശം നല്‍കും. കൈക്കാരന്മാരായ ജിയോ കാവാലത്ത്, അബീഷ് ആന്റണി എന്നിവര്‍ നേതൃത്വം നല്‍കും.