നരിയമ്പാറ സെന്റ് മേരീസ് ഓര്‍ത്തഡോക്‌സ് പള്ളിയില്‍ എട്ടുനോമ്പാചരണം സമാപിച്ചു
നരിയമ്പാറ സെന്റ് മേരീസ് ഓര്‍ത്തഡോക്‌സ് പള്ളിയില്‍ എട്ടുനോമ്പാചരണം സമാപിച്ചു
ഇടുക്കി: കട്ടപ്പന നരിയമ്പാറ സെന്റ് മേരീസ് ഓര്‍ത്തഡോക്‌സ് പള്ളിയില്‍ എട്ടുനോമ്പാചരണം സമാപിച്ചു. സമാപനദിനം പ്രഭാത നമസ്‌കാരത്തിന് ശേഷം നടന്ന കുര്‍ബാനയ്ക്ക് സദാനന്തപുരം സെന്റ് ഗ്രിഗോറിയോസ് ഓര്‍ത്തഡോക്‌സ് ഇടവക വികാരി ഫാ. മര്‍ക്കോസ് ജോര്‍ജ് പള്ളിയമ്പില്‍ മുഖ്യകാര്‍മികത്വം വഹിച്ചു. കോട്ടയം ഭദ്രാസന അംഗം ഫാ. സഖറിയ പെരിയവര്‍മറ്റം പെരുന്നാള്‍ സന്ദേശം നല്‍കി. തുടര്‍ന്ന് പ്രദക്ഷിണം, ആശിര്‍വാദം, നേര്‍ച്ചവിളമ്പ്, കൊടിയിറക്ക് എന്നിവയോടെ സമാപിച്ചു. വികാരി ഫാ. കുര്യാക്കോസ് വാലയില്‍, സാബു വി മാത്യു വാഴപ്പറമ്പില്‍, ഷൈന്‍ സ്‌കറിയ നെടുവേലില്‍ എന്നിവര്‍ നേതൃത്വം നല്‍കി.
ഓഗസ്റ്റ് 31ന് കൊടിയേറ്റത്തോടെയാണ് എട്ടുനോമ്പാചരണത്തിന് തുടക്കമായത്. തുടര്‍ന്നുള്ള ദിവസങ്ങളില്‍ പ്രഭാത നമസ്‌കാരം, കുര്‍ബാന, മദ്ധ്യസ്ഥ പ്രാര്‍ഥന, സന്ധ്യാനമസ്‌കാരം എന്നിവ നടന്നു.
ഞായറാഴ്ച നടന്ന കുര്‍ബാനയ്ക്ക് ഇടുക്കി ഭദ്രാസനാധിപന്‍ സഖറിയ മാര്‍ സേവേറിയോസ് മെത്രാപ്പോലീത്ത മുഖ്യകാര്‍മികനായി. ഓഫീസ് കെട്ടിടത്തിന്റെ ശിലാസ്ഥാപനവും മെത്രാപ്പോലീത്ത നിര്‍വഹിച്ചു.
What's Your Reaction?
