യല്‍ദോ മാര്‍ ബസേലിയോസ് ബാവായുടെ കബറിങ്കലേക്ക് ഹൈറേഞ്ച് മേഖലാ കാല്‍നട തീര്‍ഥയാത്ര 30 മുതല്‍
യല്‍ദോ മാര്‍ ബസേലിയോസ് ബാവായുടെ കബറിങ്കലേക്ക് ഹൈറേഞ്ച് മേഖലാ കാല്‍നട തീര്‍ഥയാത്ര 30 മുതല്‍
ഇടുക്കി: കോതമംഗലം യല്‍ദോ മാര്‍ ബസേലിയോസ് ബാവായുടെ കബറിങ്കലേക്കുള്ള ഹൈറേഞ്ച് മേഖലാ കാല്‍നട തീര്‍ഥയാത്ര 30ന് തുടങ്ങും. കോവില്‍ക്കടവ് സെന്റ് ജോര്‍ജ്, നെടുങ്കണ്ടം സെന്റ് മേരീസ് പള്ളികളില്‍നിന്നും സെപ്തംബര്‍ ഒന്നിന് ശാന്തമ്പാറ, തൊട്ടിക്കാനം, മുരിക്കുംതൊട്ടി, മാങ്ങാത്തൊട്ടി, രാജകുമാരി, രാജാക്കാട്, പണിക്കന്‍കുടി, തോപ്രാംകുടി, വെള്ളത്തൂവല്‍, മാങ്കുളം, ബൈസണ്‍വാലി മേഖലകളിലെ പള്ളികളില്‍നിന്നും യാത്ര പുറപ്പെട്ട് വൈകിട്ട് അടിമാലിയില്‍ എത്തിച്ചേരും. രണ്ടിന് പുലര്‍ച്ചെ അടിമാലി സെന്റ് ജോര്‍ജ് കത്തീഡ്രല്‍ പള്ളിയില്‍നിന്ന് യാത്ര പുറപ്പെടും. വിവിധ മേഖലകളില്‍നിന്നുള്ള യാത്രകള്‍ കുത്തുകുഴി മാരമംഗലം സെന്റ് ജോര്‍ജ് പള്ളിയുടെ മോര്‍ ബസേലിയോസ് കുരിശുംതൊട്ടിയില്‍ ധൂപപ്രാര്‍ഥനയില്‍ അണിചേരും. 42-ാമത് തീര്‍ഥയാത്രയുടെ സ്മരണാര്‍ത്ഥം 42 പതാകകള്‍ വഹിച്ചുള്ള പ്രയാണം നടക്കും. കോഴിപ്പിള്ളിയില്‍ സ്വീകരണത്തിനുശേഷം വൈകിട്ട് അഞ്ചോടെ തീര്‍ഥയാത്ര കബറിങ്കലെത്തും. ഒരുക്കങ്ങള്‍ പൂര്‍ത്തിയായതായി യാക്കോബായ സഭ ഹൈറേഞ്ച് മേഖലാ മെത്രാപ്പോലീത്ത ഡോ. ഏലിയാസ് മോര്‍ അത്താനാസിയോസ് വാര്‍ത്താസമ്മേളനത്തില്‍ പറഞ്ഞു.
What's Your Reaction?
