ഇടുക്കി: കട്ടപ്പന വെട്ടിക്കുഴക്കവല ഹാപ്പി നഗര്‍ റെസിഡന്റ്‌സ് അസോസിയേഷന്‍ ശുചീകരണ പ്രവര്‍ത്തനങ്ങള്‍ നടത്തി. നഗരസഭ കൗണ്‍സിലര്‍ സിജു ചക്കുംമൂട്ടില്‍ ഉദ്ഘാടനം ചെയ്തു. ഉപേക്ഷിച്ച കുപ്പികളും പ്ലാസ്റ്റിക്കുകളും തരംതിരിച്ച് ചാക്കുകളിലാക്കിയാണ് നീക്കം ചെയ്തത്. റെസിഡന്റ്‌സ് അസോസിയേഷന്റെ പരിധിയിലെ വഴികള്‍ രണ്ട് മാസം കൂടുമ്പോള്‍ അംഗങ്ങള്‍ നീക്കം ചെയ്യാറുണ്ട്. അസോസിയേഷന്റെ പ്രവര്‍ത്തന മികവ് കണക്കിലെടുത്ത് നഗരസഭയില്‍നിന്ന് പ്രത്യേക അവാര്‍ഡും  ലഭിച്ചിട്ടുണ്ട്. നഗരസഭ കൗണ്‍സിലര്‍ രാജന്‍ കാലാച്ചിറ, അസോസിയേഷന്‍ പ്രസിഡന്റ് ഉല്ലാസ് തുണ്ടത്തില്‍, സെക്രട്ടറി ഷാജി കാലാച്ചിറ, ബേബി മുളമറ്റത്തില്‍, അശ്വിന്‍ സുരേഷ് കാലാച്ചിറ,ജോസ് അലക്‌സാണ്ടര്‍ എന്നിവര്‍ നേതൃത്വം നല്‍കി.