ഇടുക്കി: മൂന്നാറിലെ കാട്ടുകൊമ്പന്‍ പടയപ്പ ഭക്ഷണക്രമം മാറ്റി പിടിച്ചിരിക്കുകയാണ്. കഴിഞ്ഞദിവസം രാത്രി പെരിയവാര പാലത്തിന് സമീപമുള്ള നാലുകടകളാണ് പടയപ്പ തകര്‍ത്ത് വില്‍പ്പനക്കായി സൂക്ഷിച്ചിരുന്ന ബ്രഡും ബണ്ണും നൂഡില്‍സും ബിസ്‌കറ്റും എല്ലാം അകത്താക്കിയത്. മുമ്പ് പൈനാപ്പിള്‍, ചോളം, ഓറഞ്ച്, ക്യാരറ്റ് തുടങ്ങി സഞ്ചാരികള്‍ക്ക് വില്‍പ്പനക്കായി സൂക്ഷിച്ചിരുന്ന പഴവര്‍ഗങ്ങളായിരുന്നു പടയപ്പയ്ക്ക് പ്രിയം. പടയപ്പ സ്ഥിരമായി കടകള്‍ തകര്‍ത്തു പഴങ്ങള്‍ അകത്താക്കിയതോടെയാണ് കച്ചവടക്കാര്‍ വില്‍പ്പന വസ്തുക്കള്‍ മാറ്റിപ്പിടിച്ചത്. എന്നാല്‍ ബേക്കറി സാധനങ്ങളും തിന്ന് തുടങ്ങിയതോടെ ആശങ്കയില്‍ ആയിരിക്കുകയാണ് വഴിയോര കച്ചവടക്കാര്‍.