ഇടുക്കി: ഡിവൈഎഫ്‌ഐ കട്ടപ്പന സൗത്ത് മേഖല സമ്മേളനം വള്ളക്കടവില്‍ ചേര്‍ന്നു. പ്രതിനിധി സമ്മേളനവും പൊതുസമ്മേളനവും സംസ്ഥാന കമ്മിറ്റിയംഗം  ബി അനൂപ് ഉദ്ഘാടനം ചെയ്തു. മനുഷ്യനെ കൊല്ലണമെന്ന അജണ്ട നടപ്പിലാക്കുകയാണ് സംഘപരിവാര്‍. എസ്ഡിപിഐയും  പോപ്പുലര്‍ ഫ്രണ്ടുമെല്ലാം ഇതേ വിഭാഗത്തില്‍ പെടുന്നതാണെന്നും അദ്ദേഹം പറഞ്ഞു. സമ്മേളനത്തിന് മുന്നോടിയായി ടൗണില്‍ പ്രകടനവും രക്തസാക്ഷി മണ്ഡപത്തില്‍ പുഷ്പാര്‍ച്ചനയും നടത്തി.  മേഖലാ പ്രസിഡന്റ്  സെബിന്‍ ഇളംമ്പള്ളി അധ്യക്ഷനായി. ബ്ലോക്ക് പ്രസിഡന്റ് ഫൈസല്‍ ജാഫര്‍, പ്രസിഡന്റ് ജോബി അബ്രഹാം, ജോയിന്റ് സെക്രട്ടറി നിയാസ് അബു എന്നിവര്‍ സംസാരിച്ചു. തുടര്‍ന്ന് നടന്ന തെരഞ്ഞെടുപ്പില്‍ സെക്രട്ടറിയായി  ബിബിന്‍  ബാബുവിനെയും പ്രസിഡന്റായി സെബിന്‍ ഇളംമ്പള്ളിയേയും ട്രഷററായി ലിജോ ജോസിനെയും തെരഞ്ഞെടുത്തു.