ലയണ്‍സ് ക്ലബ് ഓഫ് കട്ടപ്പനയുടെ ക്യാമ്പസ് ലിയോ ക്ലബ്ബുകള്‍ ഉദ്ഘാടനം ചെയ്തു
ലയണ്‍സ് ക്ലബ് ഓഫ് കട്ടപ്പനയുടെ ക്യാമ്പസ് ലിയോ ക്ലബ്ബുകള്‍ ഉദ്ഘാടനം ചെയ്തു
ഇടുക്കി: ലയണ്‍സ് ക്ലബ് ഓഫ് കട്ടപ്പനയുടെ സേവന പ്രവര്‍ത്തനങ്ങളുടെയും ക്യാമ്പസ് ലിയോ ക്ലബ്ബുകളുടെയും ഉദ്ഘാടനം ഡിസ്ട്രിക്ട് ഗവര്‍ണര്‍ കെ ബി ഷൈന്‍കുമാര്‍ നിര്‍വഹിച്ചു. കട്ടപ്പന ഡോണ്‍ ബോസ്‌കോ സ്‌കൂളിലെ 100 വിദ്യാര്‍ഥികള്‍ ക്ലബ്ബില്‍ അംഗങ്ങളായി. റിട്ടേര്‍ഡ് ഡ്രഗ് കണ്‍ട്രോള്‍ ഓഫീസര്‍ എം. പി. ജോര്‍ജ് ലഹരിവിരുദ്ധ, മാനസികാരോഗ്യ ബോധവല്‍ക്കരണ ക്ലാസ് നയിച്ചു. തുടര്‍ന്ന് ഓസാനം സ്‌കൂളില്‍ 87 വിദ്യാര്‍ഥികള്‍ അംഗങ്ങളായിട്ടുള്ള ക്ലബ്ബിന്റെ ഉദ്ഘാടനവും കെ ബി ഷൈന്‍കുമാര്‍ നിര്‍വഹിച്ചു. ക്യാബിനറ്റ് സെക്രട്ടറി സജി ചമേലി, ക്യാബിനറ്റ് ട്രഷറര്‍ വര്‍ഗീസ് ജോസഫ്, ചീഫ് പിആര്‍ഒ ജോര്‍ജ് തോമസ്, ഡിസ്ട്രിക്ട് പ്രോഗ്രാം സെക്രട്ടറിമാരായ വിനീത നിബു, ജോണ്‍ മാമ്പള്ളി, എം പി ജോര്‍ജ്, കെ പി വിനോദ് വരുണ്‍, അശോക് മേനോന്‍ എന്നിവര്‍ പങ്കെടുത്തു. ജബിന്‍ ജോസ്, ജോസഫ് ജോണി, എം എം ജോസഫ്, അമല്‍ മാത്യു, സന്തോഷ് ചാളനാട്, കെ സി ജോസ് എന്നിവര്‍ നേതൃത്വം നല്‍കി. തുടര്‍ന്ന് മജീഷ്യന്‍ ജോണ്‍ മാമ്പള്ളിയുടെ മാജിക് ഷോയും നടത്തി.
What's Your Reaction?
