ദേശീയ ബോക്സിങ് മത്സരം ഡിസംബര്‍ 12ന് പുളിയന്‍മലയില്‍
ദേശീയ ബോക്സിങ് മത്സരം ഡിസംബര്‍ 12ന് പുളിയന്‍മലയില്‍
ഇടുക്കി: റോട്ടറി ക്ലബ് ഓഫ് കട്ടപ്പനയും സഫാനിയ ബോക്സിങ് പ്രമോഷനും ചേര്‍ന്ന് പുളിയന്‍മല ക്രൈസ്റ്റ് കോളേജില്‍ ഫൈറ്റ് നൈറ്റ് എന്ന പേരില്‍ ഡിസംബര്‍ 12ന് ദേശീയ ബോക്സിങ് മത്സരം നടത്തും. ജില്ലയില്‍ ബോക്‌സിങ്ങിലൂടെ ദേശീയ, അന്തര്‍ ദേശീയ മെഡലുകള്‍ എത്തിക്കുക എന്ന ദൗത്യവുമായി റോട്ടറി ക്ലബ് ഓഫ് കട്ടപ്പനയുടെ ഹാര്‍മണി യൂത്ത് സര്‍വീസ് പ്രൊജക്ടില്‍ ഉള്‍പ്പെടുത്തിയാണ് പരിപാടി സംഘടിപ്പിക്കുന്നത്. യുവജനങ്ങളില്‍ വര്‍ധിച്ചുവരുന്ന മയക്കുമരുന്ന് ദുരുപയോഗത്തെ ചെറുക്കുന്നതിനും യഥാര്‍ഥ ലഹരി കായിക വിനോദങ്ങളില്‍ നിന്നാണ് ലഭിക്കുന്നതെന്നുമുള്ള സന്ദേശം ശക്തിപ്പെടുത്തുകയുമാണ് ലക്ഷ്യം. വേള്‍ഡ് ബോക്സിങ് കൗണ്‍സിലിന്റെയും ഇന്ത്യന്‍ ബോക്സിങ് കൗണ്‍സിലിന്റെയും അംഗീകാരത്തോടെ നടക്കുന്ന കായിക മാമാങ്കത്തില്‍ രാജ്യത്തെ മുന്‍നിര ബോക്സിങ് ചാമ്പ്യന്മാര്‍ പങ്കെടുക്കും. വാര്‍ത്താസമ്മേളനത്തില്‍ റോട്ടറി ക്ലബ് ഓഫ് കട്ടപ്പന പ്രസിഡന്റ് വിനോദ്കുമാര്‍ ടി എ, സെക്രട്ടറി അജോ എബ്രഹാം, പ്രോഗ്രാം ചെയര്‍മാന്‍ ജോണ്‍സന്‍, സിബിച്ചന്‍ ജോസഫ്, പി എം ജോസഫ്, ഫാ. ജെയിംസ് കുര്യാന്‍, പി വി ദേവസ്യ എന്നിവര്‍ പങ്കെടുത്തു.
What's Your Reaction?
