കട്ടപ്പനയില് ആഘോഷ പ്രകമ്പനം: മര്ച്ചന്റ്സ് അസോസിയേഷന് ക്രിസ്മസ് ആഘോഷിച്ചു
കട്ടപ്പനയില് ആഘോഷ പ്രകമ്പനം: മര്ച്ചന്റ്സ് അസോസിയേഷന് ക്രിസ്മസ് ആഘോഷിച്ചു
കട്ടപ്പന മര്ച്ചന്റ്സ് അസോസിയേഷനും കട്ടപ്പന പൗരാവലിയും ചേര്ന്ന് സാന്താക്ലോസ് 2025 എന്ന പേരില് ക്രിസ്മസ് ആഘോഷം നടത്തി. ടൗണ് ഹാള് പരിസരത്തുനിന്നാരംഭിച്ച കരോള് റാലിയില് പാപ്പാമാര്, ബുള്ളറ്റ് റാലി, ബാന്റ്മേളം, ഡിജെ വാഹനം എന്നിവ അണിനിരന്നു. കട്ടപ്പന ഡിവൈഎസ്പി വി എ നിഷാദ്മോന് റാലി ഫ്ളാഗ് ഓഫ് ചെയ്തു. തുടര്ന്ന് നടന്ന യോഗം ഇടുക്കി രൂപതാ വികാരി ജനറല് മോണ്. എബ്രഹാം പുറയാറ്റ് ഉദ്ഘാടനം ചെയ്തു. സമ്മേളനത്തില് കരോള്ഗാനാലാപനവും ഗാനമേളയും സംഘടിപ്പിച്ചിരുന്നു. മര്ച്ചന്റ്സ് അസോസിയേഷന് പ്രസിഡന്റ് സാജന് ജോര്ജ് അധ്യക്ഷനായി. കട്ടപ്പന സെന്റ് ജോര്ജ് ഫൊറോന പള്ളി വികാരി ഫാ. ജോസ് മംഗലത്തില്, എസ്എന്ഡിപി യോഗം മലനാട് യൂണിയന് പ്രസിഡന്റ് ബിജു മാധവന്, കട്ടപ്പന ടൗണ് ജുമാ മസ്ജിദ് ചീഫ് ഇമാം മുഹമ്മദ് റഫീക്ക് അല് കൗസരി, കട്ടപ്പന പബ്ലിക് ലൈബ്രറി പ്രസിഡന്റ് ജോയി ആനിത്തോട്ടം എന്നിവര് സംസാരിച്ചു.
What's Your Reaction?
