മുരിക്കുംതൊട്ടി സെന്റ് മരിയഗൊരേത്തി സ്കൂള് സുവര്ണ ജൂബിലി: ആലോചന യോഗം ചേര്ന്നു
മുരിക്കുംതൊട്ടി സെന്റ് മരിയഗൊരേത്തി സ്കൂള് സുവര്ണ ജൂബിലി: ആലോചന യോഗം ചേര്ന്നു
ഇടുക്കി: മുരിക്കുംതൊട്ടി സെന്റ് മരിയഗൊരേത്തി യു പി സ്കൂളിന്റെ സുവര്ണ ജൂബിലി ആഘോഷങ്ങള്ക്കും പൂര്വ വിദ്യാര്ഥി സംഗമത്തിനും തുടക്കം കുറിച്ചുകൊണ്ട് ആദ്യ ആലോചന യോഗം ചേര്ന്നു. സ്കൂള് മാനേജര് ഫാ. ജോസഫ് കോയിക്കല് ഉദ്ഘാടനം ചെയ്തു. വിദ്യാഭ്യാസം ഒരു തലമുറയില്നിന്ന് മറ്റൊരുതലമുറയിലേയ്ക്കുള്ള മൂല്യ കൈമാറ്റമാണെന്നും ആ ദൗത്യം കൃത്യമായി നിര്വഹിച്ച സ്ഥാപനമാണ് സെന്റ് മരിയഗൊരേത്തി യു.പി സ്കൂളെന്നും അദ്ദേഹം പറഞ്ഞു. 1976-ല് കോതമംഗലം രൂപത വിദ്യാഭ്യാസ ഏജന്സിയുടെ കീഴിലാണ് സ്കൂള് പ്രവര്ത്തനം ആരംഭിച്ചത്. സുവര്ണ ജൂബിലിയുടെ വിജയത്തിനായി 9 കമ്മിറ്റികള് രൂപീകരിച്ചു. ആഘോഷങ്ങളുടെ സമഗ്ര ഏകോപനത്തിനായി മുന് അധ്യാപകനായ ജോസ് അലനോലിക്കലിനെ ജൂബിലി കണ്വീനറായി തിരഞ്ഞെടുത്തു. ആഘോഷങ്ങളുടെ ഭാഗമായി ഫെബ്രുവരി 8ന് പൂര്വ വിദ്യാര്ഥി സംഗമവും 10ന് വാര്ഷിക ആഘോഷവും യാത്രയപ്പ് സമ്മേളനവും നടത്തും. ദീര്ഘകാലമായി സമൂഹത്തിന്റെ വിവിധ മേഖലകളില് സേവനം അനുഷ്ഠിക്കുന്ന പൂര്വ വിദ്യാര്ത്ഥികളെ ഒരുമിപ്പിക്കുന്ന സംഗമം ശ്രദ്ധേയമായ പരിപാടികളോടെ നടത്താനാണ് തീരുമാനം. അധ്യാപകര്, ത്രിതല പഞ്ചായത്ത് പ്രതിനിധികള്, പൂര്വ വിദ്യാര്ഥികള്, പൊതുപ്രവര്ത്തകര്, പ്രദേശവാസികള് തുടങ്ങിയവര് പങ്കെടുത്തു
What's Your Reaction?
